საქართველოსთვის უვიზო მიმოსვლას ევროკავშირის არცერთი ქვეყანა არ ეწინააღმდეგება

პოლიტიკა - 20:31, 20 Jun, 2016

16645

არცერთი ქვეყანა საქართველოსთვის უვიზო რეჟიმის მინიჭებას არ ეწინააღმდეგება. ვისაც კითხვები აქვს, ეს საქართველოს არ უკავშირდება. პროგრესს აღიარებს ყველა. არ არის გამორიცხული, რომ პარლამენტის კენჭიყრამდე მიიღოს საბჭომ გადაწყვეტილება და კენჭისყრის მერე ამოქმედდება - აცხადებენ მოამბის ჟურნალისტთან ქეთევან ქარდავსთან საუბარში ევროკავშირის ქვეყნების საგარეო მინისტრები.

"საქართველო მიიღებს უვიზო მიმოსვლას. არცერთ წევრ სახელმწიფო საწინააღმდეგო აზრი არ გამოუთქვამს. ეს იყო ყველაზე პოზიტიური შეხვედრა. სავარაუდოდ, საბჭოშიც და პარლამენტშიც ერთდროულად მივიღებთ გადაწყვეტილებას"- ლიტვის საგარეო საქმეთა მინისტრმა, ლინას ლინკევიჩიუსმა.

"არიან წევრები, რომლებსაც უსაფრთხოებასთან დაკავშირებული საკითხები აღელვებთ, მაგრამ ისინიც კი აღიარებენ საქართველოს მიერ მიღწეულ პროგრესს და ამბობენ, რომ საქართველომ უნდა მიიღოს უვიზო მიმოსვლა. გადაწყვეტილებას დღეს არ ველოდით. ძალიან კმაყოფილი ვარ შეხვედით, უაღრესად პოზიტიური იყო. სამწუხაროდ ე.წ."დედლაინები" არ გვაქვს, მაგრამ ადრეული შემოდგომა - მე ასე მგონია"- აღნიშნა ლატვიის საგარეო საქმეთა მინისტრმა.

დღეს საღამოს დასრულდა ლუქსემბურგში ევროკავშირის საგარეო საქმეთა მინისტრების შეხვედრა..

ევროკავშირის წევრი ქვეყნების პირველი დიპლომატები საქართველოსთვის ვიზალიბერალიზაციის დაწესებას ერთხმად უჭერენ მხარს. ეს განცხადება შეხვედრის დასრულების შემდეგ ევროკავშირის უმაღლესმა წარმომადგენელმა საგარეო პოლიტიკისა და უსაფრთხოების საკითხებში ფედერიკა მოგერინიმ გააკეთა.

,,ევროკავშირის წევრი ქვეყნებისთვის ეჭგვარეშეა, რომ საქართველომ დააკმაყოფილა ყველა კრიტერიუმი, ახლა უკვე ჰოლანდიის ხელმძღვანელობით საბჭოს ხელშია, უახლოესი სხდომიმს დღის წესრიგში დააყენოს ეს საკითხი. ყველა ქვეყანამ აღნიშნა, რომ საქართველომ შეასრულა შესანიშნავი სამუშაო და იმსახურებს ამის აღიარებას, რაც შეიძლება მალე“ - განაცხადა მოგერინიმ.