„ქვეყანაში, რომელმაც 70 წლიანი საბჭოთა რეჟიმი გამოიარა, ჯერ კიდევ შემორჩა შეუმჩნეველი, შეუფასებელი პირველ რესპუბლიკური მარგალიტები. ერთი ასეთთაგანი არის 1918-1921 წლების საქართველოში აშშ-ის საკონსულოს აბრა თავისი საინტერესო ისტორიით:

1921 წლის ოკუპაციის დღეებში ყველა დასავლურმა მისიამ სასწრაფო ევაკუაცია განახორციელა. ამერიკელებს არ ქონდათ საელჩო, მაგრამ ქონდათ საკონსულო. მათ ნივთიერ მემკვიდრეობას რა ბედი ეწია ამისი თქმა ძნელია, მაგრამ 1977 წელს, ერთი უბრალო მხატვრის ოჯახმა სოლოლაკში, კოჯრის ქუჩაზე ნაგავში იპოვა აბრა წარწერით "Consulate: United States of America" და ზედ გამოსახული ამერიკის გერბით. აბრა მინანქარშია შესრულებული.

ოჯახი ყვება, რომ მათ აბრა ნაგვიდან ამოიღეს და შეინახეს. როგორც ჩანს ეს ერთ-ერთმა მეზობელმა დაინახა და დაასმინა. ამის შემდეგ რამდენჯერმე მოხდა მათ სახლში ჩხრეკა, თუმცა ისე საიმედოდ დაუმალავთ ჩვენ თვითონაც ძლივს ვიპოვეთო.“- ავრცელებს ინფორმაციას ფეისბუკგვერდი პირველი რესპუბლიკა First Republic