არამდგრადი ამინდების შემთხვევაში გლდანულაში შეიძლება მეწყერი განვითარდეს- ნინო ჩხობაძე

პოლიტიკა - 13:20, 20 Jun, 2016

3337

„საქართველოს მწვანეები – დედამიწის მეგობრების“ ხელმძღვანელის ნინო ჩხობაძის განცხადებით, არმდგრადი ამინდის პირობებში წყალმოვარდნის საფრთხე არა მხოლოდ კრწანისში, ლეღვთახევის ტერიტორიაზეა არამეც გლდანულაშიც მოსალოდნელია.

„დიდ საფრთხეს ვხედავთ გლდანულაზე, რადგან შარშან გარემოს დაცვის სააგენტომ შეისწავლა და როგორც მათ განაცხადეს დაახლოებით 60 მდე მეწყერის სხეული იყო იქ აღმოჩენილი. არამდგრადი ამინდების დროს შეიძლება მოხდეს მეწყერის განვითარება. აგრეთვე არანაკლებ პრობლემატურია დიდუბის პატარა მდინარეს, რომელიც აგრეთვე მოსახლეობაში შემოდის. სამწუხაროდ ის ნაგვითაც დაბინძურებულია და პრობლემას ქმნის. დიდი რაოდენობის ნარჩენებია. ვგულისხმობ ასევე დიღმულას, რომელშიც ნაგავი ასევე ჩაყრილია. ვფიქრობ რომ დაბინძურების საკითხი, ეს არის საკმაოდ სერიოზული პრობლემაა, რომელიც ბევრ პატარა მდინარეს ეხება“,-განაცხადა ჩხობაძემ

მისივე განცხადებით, პირველ რიგში რაც ამ ეტაპზე უნდა გაკეთდეს ეს მდინარის კალაპოტებში გაწმენდითი სამუშაოების ჩატარეებაა, რადგანაც არამდგრადი ამინდების შემთხვევაში დაბინძურების პრობლემა სერიოზულ საფრთხეს ქმნის მოსახლეობისთვის.