რუსული კომპანია "გაზპრომის" ხემძღვანელმა ალექსეი მილერმა და შ.პ.ს "გასკო პლუსის" კომერციულმა დირექტორმა გიორგი მამალაძემ, პეტერბურგის ეკონომიკური ფორუმის ფარგლებში, საქართველოში კომერციული გაზის მიწოდებაზე კონტრაქტი გააფორმა. აღნიშნულის შესახებ კომენტარი გააკეთა საქართველოს ეკონომიკის მინისტრმა დიმიტრი ქუმსიშვილმა:

"მეც ეს ყველაფერი შევიტყვე ღია საინფორმაციო წყაროებიდან. რამდენადაც ჩემთვის ცნობილია, კონტრაქტი არ არის გაფორმებული და ძალიან დიდი ალბათობით, ალბათ, ვერ გაფორმდება. თუმცა, ვიმეორებ, რომ არის კომერციული ურთიერთობები, რომელშიც არ ვართ ჩართულები - მე პირადად არ ვარ ჩართული, მგონია, რომ არც ენერგეტიკის სამინისტრო. აქედან გამომდინარე, ამ ნაწილში, რამდენადაც ჩემთვის ცნობილია, გარიგება არ არის დახურული. რაც შეეხება საფრთხეებს, ნაადრევია საუბარი იმაზე, შეიცავს თუ არა ეს კონტრაქტი საფრთხეებს, ვინაიდან კონტრაქტი ნანახი არ გვაქვს; მიზნები არ ვიცით; არ ვიცით, სად შეიძლება მიემართოს ეს გაზი, თუ საერთოდ ასეთი კონტრაქტი შედგა",- განაცხადა ქუმსიშვილმა.