ბოკერიას რა ეკუთნის, მელიებს, კურდღლებს და წიწვებს კარგად ვიცი

ბოკერიას რა ეკუთნის, მელიებს, კურდღლებს და წიწვებს კარგად ვიცი - ომარ ნიშნიანიძე

პოლიტიკა - 14:21, 17 Jun, 2016

2001

საპარლამენტო უმრავლესობის წარმომადგენელი ომარ ნიშნიანიძე დარწმუნებულია, რომ 2016 წლის საპარლამენტო არჩევნები მშვიდ ვითარებაში ჩაივლის. „კვირას“ პრესკლუბში სტუმრობისას მან კორცხელში საარჩევნო უბანზე მომხდარი ინციდენტიც გაიხსენა და განაცხადა, რომ ეს გავფრთხილება იყო და მსგავი რამ აღარ უნდა განმეორდეს.
„ის რომ ვთქვა კორცხელის ინციდენტი კარგი იყო-თქო, რა თქმა უნდა არ იქნება სიმართლე, მაგრამ ის, რომ კორცხელის ინციდენტი გამაფრთხილებელი იყო. ამ ინციდენტმა ყველას უნდა ასწავლოს ჭკუა - პოზიციას, ოპოზიციას და ყველა ორგანიზაციას. ჩვენ ვართ ქვეყანა და ყველას ერთნაირად უნდა გვიყვარდეს ეს ქვეყანა. რა თქმა უნდა განსკაუთრებული პასუხისმგებლობა ხელისუფლებასაც ეკისრება და ასეთი რამ ჩვენ ან უნდა დავუშვათ. ბევრჯერ ვთქვი და ახლაც ვიმეორებ - ბოკერიას რა ეკუთნის, მელიებს, კურდღლებს და წიწვებს კარგად ვიცი, მეც და ქართველმა ხალხმა მათ განაჩენი 2012 წელს გამოუტანა და 2016 წელსაც არ დაზარდება და იგივეს გაიმეორებს, მაგრამ ის რომ ეს არ უნდა მოხდეს და საარჩევნო გარემო რომ უნდა იყოს სუფთა წმინდა და სტაბილური, ამას ჩვენ შევძლებთ. ველოდები, რომ კითხვები უკიდურესად ცოტა იქნება. ამ კითხვებს რა თქმა უნდა ოპოზიციის მხრიდან ველოდები, ყოველთვის იტყვიან ამას, მაგრამ მთავარია, რომ ქართველმა საზოგადეობამ და საერთაშორისო ორგანიზაციებმა დიანახონ რომ არჩევნები ნორმალურ საარჩევნო გარემოში წარიმართა“-განაცხადა ნიშნიანიძემ.
ნიშნიანიძე მიიჩნევს, რომ „ნაციონალურმა მოძრაობამ“ 2016 წლის საპარლამენტო არჩევნებში შესაძლოა ბარიერიც ვერ გადალახოს, რადგანაც ის აღარ არის ერთიანი ძალა. ნიშნიანიძე მიიჩნევს, რომ „ნაციონალური მოძრაობა, დღეს „შოკშია“.
„ნაციონალური მოძრაობა“ აღარ არის ერთი, შეკრული ძალა, იცით რა განცდა მაქვს, მთავარი ოპონენტი ის შეიძლება აღარ იყოს, რადგანაც მათ საკმაოდ მნიშვნელოვანი ძალები გამოეყვნენ ეს არის იგივე „გირჩი“, ვაშაძის ჯგუფი, ბურჭულაძის ჯგუფი, რომელიც ასე ვთქვათ, ინტილიგენციასწაიყვანს მისკენ. „ნაციონალურ მოძრაობას“ შეიძლება ბარიერის გადალახვაც კი გაუჭირდეს. ახალ ვერაფერს ვხედავ გარდა იმისა, რომ „ნაციონალური მოძრაობა“ „შოკშია“,-განაცხადა ნიშნიანიძემ

შეკითხვაზე თუ ვინ იქნებიან ის პოლიტიკური სუბიექტები, რომლებიც საპარლამენტო არჩევნებში ბარიერს გადალახავენ, ნიშნიანიძე მიიჩნევს, რომ ეს იქნება“ ბურჭულაძის პარტია, „პატრიოტთა ალიანსი“, „ბურჯანაძის პარტია“ „თავისუფალი დემოკრატები“.