სტრასბურგის სასამართლოს გადაწყვეტილებასთან დაკავშირებით პრეზიდენტის განცხადებას „თავისუფალი დემოკრატების“ წევრი ვიქტორ დოლიძე გამოეხმაურა. დოლიძე ვანო მერაბიშვილთან დაკავშირებით გამოტანილ გადაწყვეტილებას შესაბამისი სტრუქტურების არაკვალიფიციურობას უკავშირებს:

„ის რომ ქვეყანას კიდევ რამდენიმე ათასი ევროს გადახდა მოუწია ვანო მერაბიშვილის ე.წ პოლიტპატიმრობასთან დაკავშირებით არის სწორედ იმის ბრალი, რომ შესაბამისი სტრუქტურების მიერ არაკვალიფიციურად იქნა საქმიანობა წარმართული. ამიტომ პრეზიდენტის განცხადებას ნაწილობრივ შესაძლებელია დავეთანხმოთ კიდეც“- განაცხადა დოლიძემ.

შეგახსენებთ საქართველოს პრეზიდენტმა სტრასბურგის სასამართლოს გადაწყვეტილებას ვანო მერაბიშვილის საქმესთან დაკავშირებით ქვეყნისთვის დამაზიანებელი უწოდა. გიორგი მარგველაშვილი მიიჩნევს, რომ უნდა დადგეს ამ პირების სამსახურებრივი, პოლიტიკური და სამართლებრივი პასუხისმგებლობის საკითხი, ვის გამოც აღნიშნული შედეგი დადგა.