1-5 ივლისს საქართველოს დედაქალაქი პოლიტიკური მოვლენების ეპიცენტრად გადაიქცევა. თბილისი ხუთი დღის განმავლობაში მსოფლიოში უსაფრთხოების უდიდესი რეგიონული ორგანიზაციის, ეუთოს საპარლამენტო ასამბლეის ყოველწლიურ შეკრებას უმასპინძლებს თემით: „25-წლიანი საპარლამენტო თანამშრომლობა: ნდობის შენება დიალოგით“.

ევროპის უსაფრთხოებისა და თანამშრომლობის ორგანიზაციის (ეუთო) საპარლამენტო ფორუმს 700-ზე მეტი სტუმარი დაესწრება მისი წევრი 57 ქვეყნიდან. ამ მასშტაბურ ღონისძიებაზე, რომელსაცეუთოს გენერალური მდივანი, გერმანიის ფედერაციული რესპუბლიკის საგარეო საქმეთა მინისტრი, აშშ-ის კონგრესის დელეგაცია, სხვადასხვა ქვეყნის პარლამენტის თავმჯდომარეები, ვიცე-სპიკერები და კანონმდებლები დაესწრებიან, ეუთოს ქვეყნების სივრცეში არსებულ უსაფრთხოების საკითხებს, ეკონომიკურ თანამშრომლობას, ადამიანის უფლებების სფეროში არსებულგამოწვევებს და მიგრაციის გლობალურ პრობლემებს განიხილავენ. საპარლამენტო ასამბლეის ყოველწლიური შეკრება ყოვლისმომცველი და ისტორიული „თბილისის დეკლარაციის“ მიღებით დაასამბლეის პრეზიდენტის არჩევით დასრულდება. აღსანიშნავია, რომ აღნიშნული ყოველწლიური სესია ორ მნიშვნელოვან თარიღს ემთხვევა - 2016 წელს ეუთოს საპარლამენტო ასამბლეა 25 წლისიუბილეს აღნიშნავს, საქართველო კი დამოუკიდებლობის აღდგენიდან 25 წლისთავს ზეიმობს.

როგორც პარლამენტის მიერ გავრცელებულ ინფორმაციაშია ნათქვამი აღნიშნული ფორმატის შეკრებას საქართველო პირველად უმასპინძლებს, რაც პოლიტიკურ რუკაზე ქვეყნის ავტორიტეტსა და შესაძლებლობებს მნიშვნელოვნად გააძლიერებს. საპარლამენტოფორუმი საქართველოს მისთვის მნიშვნელოვანი საკითხების კიდევ უფრო წინ წამოწევის შესაძლებლობას მისცემს. ღონისძიების მნიშვნელობიდან გამომდინარე, საორგანიზაციო დამოსამზადებელი სამუშაოები ინტენსიურად მიმდინარეობს. საერთაშორისო საპარლამენტო ფორუმის დაწყებამდე ორი კვირაა დარჩენილი.

ევროპის უსაფრთხოებისა და თანამშრომლობის ორგანიზაციის საპარლამენტო ასამბლეის ყოველწლიური შეკრება 1-5 ივლისს საგამოფენო ცენტრ „ექსპო ჯორჯიას“ ტერიტორიაზე გაიმართება.