პაატა ბურჭულაძის მრჩეველმა სამართლებრივ საკითხებში საქართველოს პარლამენტს მიმართა

პოლიტიკა - 11:25, 17 Jun, 2016

2111

ინიციატივა მიზნად ისახავს 30 000 ხელმოწერის შეგროვებისთვის საინიციატივო ჯგუფის რეგისტრაციას საკანონმდებლო ინიციატივის მხარდასაჭერად, რომლის მიზანია სასამართლო სისტემის დამოუკიდებლობისა და ეფექტიანობის გაზრდა.

„პაატა ბურჭულაძე - სახელმწიფო ხალხისთვის“ ინიცირებული კანონპროექტები სასამართლო კორპუსის დაკომპლექტების პრობლემური რეგულაციების გამოსწორებას გულისმობს, კერძოდ:

• „საერთო სასამართლოების შესახებ“ საქართველოს ორგანულ კანონში ცვლილებების განხორციელებით მოსამართლეთა შერჩევა/დანიშვნის ეფექტიანი სისტემის ფუნქციონირების ხელშეწყობას;

• საქართველოს იუსტიციის უმაღლესი საბჭოს ფორმირების წესის განახლებას, რომელიც სასამართლო სისტემის დამოუკიდებლობის განმტკიცებას უზრუნველყოფს;

• კანონმდებლობაში მოსამართლეთა დისციპლინური სამართალწარმოების პროცესისა და პროცედურების დახვეწას;

• „საქართველოს საერთო სასამართლოების მოსამართლეთა დისციპლინური პასუხისმგებლობისა და დისციპლინური სამართალწარმოების შესახებ“ საქართველოს კანონში მოსამართლეთა დამოუკიდებლობის გარანტიების შექმნას;

• მოსამართლეთა პასუხისმგებლობის სათანადო სისტემის რეგლამენტირებას და ფორმირებას.

დავით ჯანდიერმა მართლმსაჯულების სისტემის რეფორმირების მიზნით სახელმწიფოს მიერ გადადგმული ნაბიჯების არასრულფასოვნებაზე ისაუბრა და ყურადღება გაამახვილა „პაატა ბურძულაძე - სახელმწიფო ხალხისთვის“ ინიცირებული კანონპროექტების უმოკლეს ვადებში, განხილვისა და ამოქმედების საჭიროებაზე.