“მოძრაობა სახელმწიფო ხალხისთვის” ლიდერმა პაატა ბურჭულაძემ ბოლნისის რეგიონში შეხვედრა გამართა. მოსახლეობასთან შესახვედრად თბილისიდან პარტიის სხვა ლიდერებიც ჩავიდნენ, რომლებმაც მოსახლეობის პრობლემები მოისმინეს და ადგილობრივებს ამ პრობლემების მოგვარების კონკრეტული ხედვა გააცნეს. პაატა ბურჭულაძემ შეკრებილებს პარტიის სამოქმედო გეგმაც წარუდგინა. მოძრაობა სახელმწიფო ხალხისთვის ლიდერი ადგილობრივებს დაპირდა, რომ არჩევნებში გამარჯვების შემთხვევაში ის ქვეყანაში არსებულ ვითარებას აუცილებლად შეცვლის.

„დღეს რაც ძლიან მნიშვნელოვანია არის ის რომ ხალხში უნდა გავაღვიძოთ იმედი, ის უიმედობა რაც ქვეყანაშია უნდა მოისპოს. მე ვთხოვე ხალხს რომ ოქტომბრამდე მოითმინონ და და ოქტომბერში ჩვენ შევცვლით სიტუაციას.“ - განაცხადა პაატა ბურჭულაძემ