რუსეთის ფედერაციის საგარეო საქმეთა სამინისტრო ჟენევის დისკუსიების მორიგ რაუნდის შესახებ განცხადებას ავრცელებს, სადაც რუსი ოკუპანტის მიერ გიგა ოთხოზორიას მკვლელობის შესახებ არის საუბარი.

ლავროვის უწყების ინფორმაციით, შეხვედრის ფარგლებში გამოთქმული იქნა იმედი, რომ აფხაზეთის დე-ფაქტო ხელისუფლება ჩაატარებს გამოძიებას „ნაციონალური კანონმდებლობის“ სრული დაცვით და მისი შედეგების შესახებ ინფორმაციას გაავრცელებს ინციდენტების პრევენციისა და რეაგირების მექანიზმის ფარგლებში.

განცხადებაში ასევე ნათქვამია, რომ მოლაპარაკებებს სერიოზული ჩრდილი მიაყენა 7 ივნისს ლტოლვილების შესახებ გაეროს მიერ მიღებული რეზოლუციის პროექტმა, რომელიც ქართული მხარის მიერ იყო ინიცირებული.

განცხადებაში ასევე წერია, რომ „რეზოლუციის პროექტი პოლიტიზირებული იყო და არ შეესაბამებოდა რეალურ ფაქტებს“.