ქალაქ ოზურგეთის მერიამ, შემოქმედის ეპარქიას, ექადიის ტერიტორიაზე 18 ჰა ტყის გადაცემაზე უარი უთხრა.

ამის შესახებ "გურიის მოამბეს" ქალაქ ოზურგეთის მერმა, ბეგლარ სიორიძემ აცნობა.

მისი თქმით, მერიაში შემოქმედელი მიტროპოლიტის, მეუფე იოსების წერილობითი თხოვნა შევიდა, რომელშიც ეპარქია, აღნიშნულ ტერიტორიაზე 18 ჰა ტყის გადაცემას მოითხოვდა:

"ძალიან გთხოვთ, ნურავინ ნუ გამოიყენებს ამას თითქოს რაიმე დაპირისპირება იყოს, ჩვენ უდიდეს პატივს ვცემთ მეუფე იოსებს. იქ სადაც მონასტერია აშენებული, ჩვენ მათ 3, 500 მ. უზურფრუქტით გადავცემთ. რაც შეეხება, 18 ჰა ტყის ფართბს, ეს უნიკალური ტერიტორიაა, მე ვგეგმავ გარემოს დაცვის მინიტრთან, გიგლა აგულაშვილთან შეხვედრას და გვინდა, ეს ტერიტორია, გამოცხადდეს დაცულ ტერიტორიად"-გვითხრა ბეგი სიორიძემ.