სკანდალი: ელიტური კორუფცია და ბიუჯეტიდან გახარჯული მილიარდ ლარზე მეტი ლარი

პოლიტიკა - 15:52, 16 Jun, 2016

5326

შინაგან საქმეთა სამინისტროს შესყიდვების სამსახურის ყოფილი უფროსი გიორგი ბაჯელიძე და გაზეთ ქრონიკა პლიუსის რედაქტორი ელისო კილაძე ხელისუფლებას უკანონო გარიგებებში ადანაშაულებენ.

ქრონიკა პლიუსის რედაქტორი გამოთქვამს ეჭვს, რომ ე.წ. ატკატებით მმართველი გუნდის წინასაარჩევნო კამპანიის დაფინანსება მოხდება.

„საქმე ეხება სავარაუდო კორუფციის თემას, რომელშიც არიან ჩართულები ირაკლი ღარიბაშვილის ახლო გარემოცვის წევრები, მათ შორის ზვიად ჯანყარაშვილი მართავს ამ სქემას. სახელმწიფო უწყებები მილიარდზე მეტი ლარის შესყიდვას ტენდერის გარეშე ახორციელებენ. არსებობს ძალიან ლოგიკური და ლეგიტიმური ეჭვი იმის თაობაზე, რომ ამ ფულიდან მიღებული ატკატები წინასაარჩევნო კამპანიის დაფინანსებას უნდა მოხმარდეს, ქართულ ოცნებაში,“- განაცხადა ელისო კილაძემ.

გიორგი ბაჯელიძის განცხადებით კი, მასალები ბიძინა ივანიშვილისთვის გადასაცემად გადაცემა 2030-ის ექსპერტს გადასცა.

„კორუფცია არის უკლებლივ ყველა სამინისტროში და ამის მასალები ჩვენ გვაქვს. მე ამ ინფორმაციის მიწოდება მინდოდა ბატონ ბიძინა ივანიშვილამდე. მიხელ დონდუამ არ მიაწოდა,“- განაცხადა გიორგი ბაჯელიძემ.

ბაჟელიძის განცხადებას უკვე უპასუხა 20/30-ის ექსპერტმა მიხეილ დონდუამ.

დონდუა გიორგი ბაჯელიძესთან მიმოწერას ადასტურებს, თუმცა განმარტავს, რომ კორუფციის შესახებ ფაქტებისა და მტკიცებულებების არსებობის შემთხვევაში, მან ბაჯელიძეს შესაბამისი სტრუქტურებისთვის მიმართვა ურჩია.

“რამდენჯერმე მომწერა ამასთან დაკავშირებით და მე მას ნათლად ვუთხარი, რომ თუ რამე ფაქტი ჰქონდა მას ან თუ რამე ჰქონდა ან სამხილი, გარდა საჯარო ინფორმაციისა, რომელიც მან მე მომაწოდა, მიეწოდებინა შესაბამისი სტრუქტურებისთვის. მის ეჭვებთან დაკავშირებით არავის არაფერს არ მოვუყვებოდი“-განაცხადა მიხელ დონდუამ.