ევროკავშირის ელჩი საქართველოში იანოშ ჰერმანი ვანო მერაბიშვილის საქმეზე ევროსასამართლოს გადაწყვეტილებას აფასებს. დიპლომატი მთავრობაში გაკეთებულ განცხადებებს მიესალმება იმასთან დაკავშირებით, რომ ხელისუფლება ევროპული კონვენციის შეუსაბამო ფაქტის გამოძიებისთვის მზად არის:

„ჩვენ აქტიურად ვმუშაობთ ევროსაბჭოსთან. ევროსასამართლოს გადაწყვეტილებაში აღნიშნულია, რომ ვანო მერაბიშვილის წინასწარი პატიმრობა იყო კანონიერი და გონივრული საფუძველი ჰქონდა, მაგრამ მეორეს მხრივ, წინასწარი პატიმრობა გამოყენებული იყო მასზე ზეწოლის მოსახდენად. საქართველოს მთავრობა ამბობს, რომ მზადაა კვლავ გამოიძიოს ის საქმეები, რომლებიც მოყვანილია ევროსასამართლოს გადაწყვეტილებებში და რომლებიც არ შეესაბამება ადამიანის უფლებათა დაცვის ევროპულ კონვენციას,“ - განაცხადა იანოშ ჰერმანმა.