არასაპარლამენტო ოპოზიცია საარჩევნო კანონმდებლობასთან დაკავშირებით მესამე სექტორს შეხვდა

პოლიტიკა - 13:02, 16 Jun, 2016

754

არასაპარლამენტო ოპოზიცია საარჩევნო კოდექსში შესატან ცვლილებებზე მესამე სექტორს შეხვდა. ინტერპარტიული ჯგუფი მათთვის სარეკლამო დროის შეზღუდვის განზრახვას ხედავს და სწორედ ამიტომ შეხვედრის დროს, საუბარი შეეხო როგორც გერმანული მოდელის დეტალებს, ასევე უმრავლესობის ინიციატივას.

„საქართველოს ევროპელი დემოკრატების“ თავმჯდომარის პაატა დავითაიას განცხადებით-„ხელისუფლებამ არ გაითვალისწინა, არც პრეზიდენტის, არც ვენეციის კომისიის, არც 200 ათასი ამომრჩევლის, არც პოლიტიკური პარტიების, არც არასამათავრობო ორგანიზაციების რეკომენდაციები და თვითონ წავიდა იმ გზით, რასაც ჰქვია კონსესუსის გარეშე ცვლილებების მიღება, რაც ყოვლად დაუშვებელია “- აღნიშნა დავითაიამ.

არასაპარლამენტო ოპოზიციას პრეზიდენტთან შეხვედრა და პრეზიდენტს კანონზე ვეტოს დადებისკენ მოუწოდებს. როგორც ისინი აცხადებენ, "მახინჯი კანონმდებლობის" შეცვალა სურთ.

„ჩვენ გვინდა, რომ შევხვდეთ პრეზიდენტს, ვიმსჯელოთ ამ საკითხებზე და არასამთავრობო სექტორთან ერთად არასაპარლამენტო ოპოზიციამ გამოვნახოთ შესაძლო გზები, როგორ შეიძლება არსებულ სიტუაციაში გამოსწორდეს ის მახინჯი კანონმდებლობა, რომელიც შეიქმნა ერთის მხრივ და მეორეს მხრივ ის შეყოვნებული კანონმდებლობა, ვგულისხმობ გერმანულ მოდელთან დაკავშირებულ ცვლილებას, რომელიც ბუნდოვან სიტუაციაში არის გაყინული “- განაცხდა „ახალი მემარჯვენეების“ წევრმა მამუკა კაციტაძემ.

არასამთავრობოები ორგანიზაციები უფასო სარეკლამო დროის განაწილების ახალ წესს არასამართლიანად აფასებენ. როგორც ისინი განმარტავენ, არ განსხვავდება ძველი წესისგან და საჭიროა ამ ხარვეზის გამოსწორება.