საქართველოს პრეზიდენტმა გიორგი მარგველაშვილმა „ჟურნალისტისკის საერთაშორისო კონფერენცია“ გახსნა. მარგველაშვილმა დამსწრე საზოგადოებას სიტყვით მიმართა. ჟურნალისტები დაინტერესდნენ მისი პოზიციით ვანო მერაბიშვილის საქმეზე, თუმცა პრეზიდენტმა დღეს აღნიშნულ საკითხზე განცხადების გაკეთება არ ისურვა.

„ძალიან მნიშვნელოვან ეტაპზე ვართ ჩვენი ქვეყნის დემოკრატიული განვითარების, მედია თამაშობს განსაკუთრებულ როლს საზოგადოების განვითარებაში, ქართველებს აინტერესებთ მედია, მინდა გითხრათ, რომ ქართველებს სძულთ პოლიტიკოსები, მაგრამ უყვართ მედია-რეპორტიორები და ის კითხვები, რასაც მედიის წარმომადგენლები სვამენ, რადგან ისინი ჩართულნი არიან პოლიტიკაში და ასევე აინტერესებთ ის თუ როგორ ვითარდება საზოგადოება, ეს კი რეალურად არის გარანტია, ქვეყნის დემოკრატიული განვითარების, როდესაც ურთიერთობ მედიასთან, ეს ნიშნავს, რომ შენ რეალურად ურთიერთობ საზოგადოებასთან, მედიას შეუძლია პირდაპირ მოგიტანოს ინფორმაცია, თუ რას ფიქრობს საზოგადოება, როგორც პოლიტიკოსს, ყოველთვის გაქვს კომუნიკაცია საზოგადოებასთან, მაგრამ არასდროს არ იცი რეალურად რას ფიქრობენ ისინი, ამიტომაც, ჟურნალისტებს აღიქვამ იმ ადამიანებდ, რომლებსაც მოაქვთ ჩემამდე ის მნიშვნელოვანი საკითხები, რომლებიც საზოგადოებას აწუხებს“, - განაცხადა გიორგი მარგველაშვილმა.