საქართველოს ამა თუ იმ ბლოკში გაწევრიანება არ წარმოადგენს საფრთხეს რუსეთისთვის,ამითი უფრო მეტად მტრული არ იქნება- პრემიერი

პოლიტიკა - 17:17, 15 Jun, 2016

1258

საქართველოს პრემიერ-მინისტრისა და გერმანიის კანცლერის ანგელა მერკელის შეხვდრის შემდეგ გამართულ პრესკონფერენციაზე გიორგი კვირიკაშვილის მისამართით დასმულ შეკითხვაზე ხომ არ რისკავს საქართველო, როდესაც რუსეთის წინააღმდეგობის მიუხედავად ნატოსკენ სვლას აგრძელებს, ქვეყნის პრემიერმა უპასუხა, რომ საქართველო კონფლიქტის ტემპერატურის დაწევას ცდილობს და ასევე სურს დაარწმუნოს რუსეთი რომ საქართველოს ამა თუ იმ ბლოკში გაწევრიანება არ წარმოადგენს რუსეთისთვის საფრთხეს:

ჩვენ მუდმივად ვცდილობთ, რომ რუსეთთან მტრული რიტორიკა ავიცილოთ, 2012 წლიდან მოყოლებული ჩვენ შევცვალეთ მთავრობის დამოკიდებულება ამ საკითხისადმი, იმ კუთხით, რომ მაქსიმალურად კონსტრუქციულები გავხდით, მაგრამ აქ არ არის არანაირი კომპრომისი ქვეყნის ტერიტორიული მთლიანობისა და სუვერენიტეტის მიმართულებით. თუმცა ჩვენ ვცდილობტ, რომ ხალხთა შორის ურთიერთობა აღვადგინოთ, საბედნიეროდ დღეს რუსეთთან გვაქვს გარკვეული მოცულობით ვაჭრობა და ტურისტული ურთიერთობები და ჩვენ ვცდილობთ მოვახდინოთ კომუნიკაცია იმის, რომ საქართველოს ამა თუ იმ ბლოკში გაწევრიანება არ წარმოადგენს საფრთხეს რუსეთისთვის, საქართველო არ იქნება ამითი უფრო მეტად მტრული ვიდრე ჩვეულებრივ ვითარებაში შეიძლება იყოს. ჩვენ გვაქვს ტერიტორიული, ოკუპაციის პრობლემები, მაგრამ ჩვენი მიდგომა მაქსიმალურად კონსტრუქციულია, რომდავწიოთ ამ კონფლიქტის ტემპერატურა და მშვიდობიანად გადაწყვეტაზე ვისაუბროთ"- განაცხადა კვირიკაშვილმა.