"ჩვენთვის მნიშვნელოვანია არამხოლოდ ტერიტორიების დაბრუნება, არამედ ხალხის შემორიგება"- პრემიერი

პოლიტიკა - 17:13, 15 Jun, 2016

1460

საქართველოს პრემიერ-მინისტრისა და გერმანიის კანცლერის ანგელა მერკელის შეხვდრის შემდეგ გამართულ პრესკონფერენციაზე გიორგი კვირკაშვილმა საქართველოს ოკუპირებულ ტერიტორიებთან დაკავშირებით ისაუბრა და აღნიშნა, რომ აუცილებელია მოხდეს ნდობის აღდგენა ამ ტერიტორიაზე მაცხოვრებელ ოს და აფხაზ მოსახლეობასთან. საქართველოს პრემეირის თქმით საქართველო ყველაფერს აკეთებს იმისთვის რომ რუსეთთან კონსტრუქციული პოლიტიკა აწარმოოს:

„ჩვენ გვაქვს ძალიან მნიშვნელოვანი ჟენევის ფორმატი, სადაც ჩვენ ვიხილავთ საქართველო-რუსეთს შორის ურთიერთობის და აფხაზეთსა და ცხინვალის რეგიონში კონფლიქტების დარეგულირების საკითხებს. ამ მხრივ გერმანიის როლი ძალიან მნიშვნელოვანია. ჩვენ გვაქვს გამოკვეთილი პროგრესი ბოლო რაუნდებზე, გალის რაიონში შევძელით ინციდენტების პრევენციისა და გადაწყვეტის მექანიზმის კვლავ ამუშავება, რაც ძალიან მნიშვნელოვანია. ჩვენ დიდი იმედი გვაქვს, რომ გერმანიის ეუთოს პრეზიდენტობის პერიოდში ამ მიმართულებით სერიოზული პროგრესი მოხდება. ამ მიმართულებით ასევე სახელმწიფოს გააჩნია ნდობის აღდგენის პოლიტიკა, რომელსაც ნაბიჯ-ნაბიჯ , მიზანმიმართულად და თანმიმდევრულად მივყვებით. ჩვენთვის მნიშვნელოვანია არამხოლოდ ტერიტორიების დაბრუნება, არამედ ხალხის შემორიგება, პირველ რიგში და ერის გამთლიანება. ჩვენთვის ძალიან მნიშვნელოვანია აფხაზ და ოს დებთან და ძმებთან ნდობის აღდგენა.“- განაცხადა გიორგი კვირიკაშვილმა.