„გერმანია იქნება საქართველოს კარგი მეგობარი და პარტნიორი“- ანგელა მერკელი

პოლიტიკა - 16:16, 15 Jun, 2016

1344

საქართველოს პრემიერ-მინისტრი გერმანიის კანცლერს ანგელა მერკელს შეხვდა. გიორგი კვირიკაშვილმა და მერკელმა შეხვედრის შემდეგ ერთობლივი პრესკონფერენცია გამართეს და ის საკითხები მიმოიხილეს, რაზეც შეხვედრის დროს გაამახვილეს ყურადღება.

ანგელა მერკელის განცხადებით საქართველოს შესანიშნავი წარმატებები აქვს რეფორმების გატარების მხრივ, წარმატებულად ხორციელდება ევროკავშირთან ასოცირებაც.

მერკელმა საქართველო-რუსეთის ურთიერთობაზეც ისაუბრა და საქართველოს მხრიდან გადადგმული პრაგმატული ნაბიჯები დადებითად შეაფასა.

„ჩვენ მოხარულები ვართ, რომ საქართველო რუსეთთან პრაგმატულ ნაბიჯებს დგამს მიუხედავად იმისა, რომ მთავარიო თემა მაინც რჩება. ჩვენ, გერმანია მხარს ვუჭერთ საქართველოს ტერიტორიულ მთლიანობას. მოხარულები ვართ, რომ სამხრეთ ოსეთის და აფხაზეთის რეგიონებთან ჰუმანიტარული კონტაქტებინ არსებობს და მივესალმებით საქართველოს ძალისხმევებს ჟენევის ფორმატში წარმატებების მისაღწევად“- განაცხადა მერკელმა.

მერკელი ვიზალიბერალიზაციის საკითხსაც შეეხო და ხაზი გაუსვა იმას, რომ ევროკომისიის დასკვნით საქართველომ თავისი ვალდებულებები შეასრულა. ანგელა მერკელის განცხადებით, საქართველოსთვის სავიზო რეჟიმის გაუქმებამდე ევროპარლამენტმა ვიზალიბერალიზაციის შეჩერების მექანიზმის უნდა დაამტკიცოს. ანგელა მერკელმა იმედი გამოთქვა, რომ საქართველოს ვიზალიბერალიზაცია წარმატებით დამტკიცდება.

„“ჩვენ ვიზალიბერალიზაციას განვიხილავთ შეჩერების მექანიზმის კონტექსტში და ამას არ აქვს კავშირი მაინცა და მაინც საქართველოსთან. ეს გამოიყენება იმ შემთხვევაში თუ პროლემები წარმოიშობა, მაგალითად თუ რომელიმე ქვეყნის ძალიან ბევრი მოქალაქე ჩამოვა და პოლიტიკურ თავშესაფარს მოითხოვს ევროკავშირში, როგორც მაგალითად სერბეთთან გვქონდა შემთხვევა, ამის გამეორება რადგან არ გვინდა ამიტომ ვისწრაფვით ამ მექანიზმის ასამოქმედებლად. იმედი მაქვს ძალიან მალე იქნება კენჭისყრა ევროპარლამენტში საქართველოს ვიზალიბერალიზაციასთან დაკავშირებით.“- აღნიშნა ანგელა მერკელმა.

„გერმანია იქნება საქართველოს კარგი მეგობარი და პარტნიორი“- განაცხადა გერმანიის კანცლერმა.