"რუსთავი 2"-ს კვირიკაშვილ-მერკელის პრესკონფერენციაზე კითხვის დასმის საშუალებას არ აძლევენ

"რუსთავი 2"-ს კვირიკაშვილ-მერკელის პრესკონფერენციაზე კითხვის დასმის საშუალებას არ აძლევენ - ლაფერაშვილი კოლეგებს მიმართავს

პოლიტიკა - 15:27, 15 Jun, 2016

6314

„რუსთავი 2“-ის საინფორმაციო სამსახურის უფროსი გიორგი ლაფერაშვილი სოციალურ ქსელში წერს, რომ მის ტელეკომპანიას გერმანიაში, გიორგი კვირიკაშვილისა და ანგელა მერკელის პრესკონფერენციაზე კითხვის დასმის საშუალება არ მიეცა.
ლაფერაშვილის განცხადებით, „რუსთავი 2“-ს პრესკონფერენციის შესახებ ორი დღით ადრე შეატყობინეს, მაშინ, როცა საზოგადოებრივმა მაუწყებელმა და „იმედმა“ ამის შესახებ ერთი კვირით ადრე იცოდნენ.
"რუსთავი 2"- ის საინფორმაციო სამსახირის უფროსი იმ კომეგებს მიმართავს, რომლებიც კითხვას დასვავენ, რომ ვიზალიბერალიზაციასთან ერთად კითხვა "რუსთავ 2" - ის საქმეზე და წინასაარჩევნო გარემოზეც დასვან.
"ბევრი ვიფიქრე და მაინც გადავწყვიტე, რომ ღიად დავწერო.
ერთ საათში საქართველოს პრემიერ-მინისტრი და გერმანიის კანცლერი ერთობლივ ბრიფინგს გამართავენ.
შეხვედრაზე ორი შეკითხვაა ქართული პრესიდან. ორიც - გერმანულიდან.
ბოლო ორი დღეა - მას შემდეგ, რაც ამ პრესკონფერენციის შესახებ პრემიერის ადმინისტრაციიდან გვაცნობეს, გამოვთქვით სურვილი, რომ პრესკონფერენციაზე შეკითხვა რუსთავი ორსაც დაესვა. ”გაირკვა”, რომ შეკითხვები უკვე გადანაწილებულია საზ. მაუწყებლის და იმედის ჟურნალისტებზე. რუსთავი ორისთვის ”ადგილი არ არის” მხოლოდ იმ მარტივი მიზეზის გამო, რომ ორივე ტელეკომპანია ერთი კვირით ადრე (!) შეუთანხმდა კანცელარიის პრეს-სამსახურს.
ჟურნალისტები მიხვდებიან რასაც ვწერ. რამე ახალი რომ არ ხდება ისიც ვიცით. როგორ მოხდა, რომ პრესკონფერენციის შესახებ კომუნიკაცია ორ არხთან ერთი კვირაა მიმდინარეობს (თარჯიმნებიც კი უკვე კარგი ხნის გაფრთხილებული არიან) და ამ პრესკონფერენციის არსებობის შესახებ რუსთავ ორს მხოლოდ ორი დღის წინ შეატყობინეს - მაგასაც ყველა მიხვდება, როგორი ამბავია:) ეხლა ამ ტრიბუნას სხვა მიზნებით ვიყენებ:
ორივე კითხვა ქართული არხებიდან იქნება დაახლოებით ერთი და იგივე შინაარსის: ორივე არხი სვავს კითხვას ვიზალიბერალიზაციაზე :) (თუ არადა - კი გამოჩნდება ერთ საათში). მინდა თხოვნით მივმართ კოლეგებს, რომლებიც პრესკონფერენციას ესწრებიან - რა თქმა უნდა, თუ ეს მათთვის დამატებითი პრობლემების შექმნის საფუძველი არ გახდება რედაქციების მხრიდან, ამავე კითხვაში იკითხონ, განიხილეს თუ არა ამ მაღალი დონის შეხვედრებზე ქართულ მხარესთან ის საკითხები, რომელიც, ვიცით, რომ უშუალო კავშირში არ არის ვიზალიბერალიზაცის საკითხთან, მაგრამ როგორც ბოლო რამდენიმე კვირის განმავლობაში ქართველი პოლიტიკოსებიც აღიარებენ - ყველა შეხვედრის დღის წესრიგში დგას: მედიაპლურალიზმი, რ2-ის საქმე და წინასაარჩევნო გარემო.
არ დაგთაგავთ -ვიცი, რომ ყველა, ვინც საჭიროა - ისედაც ნახავთ.
გადაწყვეტილების მისაღებად ერთ საათზე მეტი დაგრჩათ კოლეგებო" - წერს ლაფერაშვილი.