"იმიტომ რომ არჩევნები არ გაფერმკრთალდეს..." - რას გეგმავს ივანიშვილი "რუსთავი 2"- თან დაკავშირებით

პოლიტიკა - 15:44, 14 Jun, 2016

5038

ბიძინა ივანიშვილი აცხადებს, რომ მისი წინადადება ძალაშია - ყოფილი პრემიერი განცხადებით, ხალვაშს და დვალს გარანტად დაუდგება და ფინანსურ ზარალს აუნაზღაურებს იმ შემთხვევაში თუ სასამართლო პროცესი მათ სასარგებლოდ დასრულდებოდა, ოღონდ მენეჯმენტი და გვარამია არ შეცვალონ.
ექსპრემიერმიერმა გადაწყვეტილება დღეს კიდევ ერთხელ განმარტა და "რუსთავი 2" ტრადიციულად გააკრიტიკა. ივანიშვილმა ამ მედიასაშუალებას "სიცრუის გავრცელების ოსტატების ტელევიზია" უწოდა.

"თუ სასამართლო დასრულდება უფრო ადრე ვიდრე არჩევნები, იმის გამო რომ თქვენ სიცრუის გავრცელების ოსტატები ხართ და საზღვარგარეთ კარგად გაყიდით, იმას რომ თავისუფალ მედიას ავიწროვებენ, რომ არ დაგვჭირდეს ჩვენ უცხოელებთან ბევრი განმარტებები, რომ რეალობა ასეთი არ არის, რეალურად სასამართლო მიდის მესაკუთრეებს შორის, ორი მესაკუთრე ყოფილი იბრძვის იმისათვის, რომ წართმეული ტელევიზია დაუბრუნოს - ეს არის რეალობა, ამ რეალობის გატანა საზღვარგარეთ ქართულ ოცნებას გაუჭირდება. გარეთ მაგის ოსტატები თქვენ ხართ და ამიტომ და ამ მიზეზით კარგი იქნება ხალვაში და დვალი, რომელსაც საჯაროდ განუცხადებია, რომ სამართავად შევა და ნახევარს დაუთმობს, დვალს ხანგრძლივობის ვადა აქვს გასული ამიტომ ვერ მონაწილეობს პროცესში მაგრამ საჯაროდ განუცხადებია, რომ ხალვაში მასთან ერთად მომართავს ტელევიზიას და დვალი შეიძლება იყოს მთავარი მენეჯერი. მე ასე ამიხსნეს "ჯი-დი-ეს"-ში. კიდევ ერთხელ გავიმეორებ ხალვაში და დვალი ედავებიან, მესაკუთრეები არ ჩანან სააკაშვილია მესაკუთრე, თუმცა იბრალებს გვარამია და მათ ედავებიან სწორედ საკუთრებაში. იმიტომ რომ არჩევნები არ გაფერმკრთალდეს და ევროპელებს კითხვის ნიშნები არ გაუჩნდეთ, მე კიდევ ერთხელ ვთხოვდი ხალვაშს გაითვალისწინოს ჩემი შეთავაზება "- აღნიშნა ივანიშვილმა.