საქართველოს იუსტიციის მინისტრის განცხადებებს, რომელიც მან სასამართლოსთან დაკავშირებით გააკეთა, არასამთავრობო ორგანიზაციები ეხმაურებიან:

„ხელისუფლების წარმომადგენლების მხრიდან, განსაკუთრებით მაღალი თანამდებობის პირებისგან, სასამართლოს კრიტიკა იმიტომ, რომ მათ არ მოსწონთ გადაწყვეტილება და ამ ყველაფრის პოლიტიკასთან მიბმა, არის უკიდურესად დიდი შეცდომა. დაუშვებელია სასამართლოს ასეთ რეჟიმში ეკონტაქტო. ამგვარი სიტყვებით ეკონტაქტო სასამართლოს, რომელიც არის უმნიშვნელოვანესი ინსტიტუტი ამ ქვეყანაში. ბუნებრივია, რომ თავიდანვე საეჭვო იყო მათი რეაქციები კონკრეტულ გადაწყვეტილებებზე და დღესაც საეჭვოა მათი ინიციატივები, რომელიც მათ გაბრაზებას მოჰყვა,“- განაცხადა გიორგი გვილავამ .

სახალხო დამცველის, უჩა ნანუაშვილის თქმით კი განცხადებები, რომლებიც ხელყოფენ სასამართლოს დამოუკიდებლობას მიუღებელია:

“სასამართლო უნდა იყოს დამოუკიდებელი და განცხადებები, რომელიც ხელყოფს სასამართლოს დამოუკიდებლობას, რა თქმა უნდა, არ არის მისაღები,“- განაცხადა უჩა ნანუაშვილმა.