"მასმედია უმკაცრესად უნდა გააკონტროლდეს, საქართველო რეიტინგებში უნდა ჩამოვაქვეითოთ!"- ლევან ვასაძე

პოლიტიკა - 13:03, 13 Jun, 2016

5811

„საქართველოს დემოგრაფიული საზოგადოება XXI”-ის თავმჯდომარის , ბიზნესმენ ლევან ვასაძის განცხადებით მასმედია უმკაცრესად უნდა გააკონტროლდეს. ვასაძე „რუსთავი2“-ს , „იმედს“ და „პირველ არხს“ ქვეყნის მტრად ასახელებს და აცხადებს, რომ „მათი პარპაში უნდა აღიკვეთოს“:

„რუსთავი 2“- სთვის ძალიან დიდი პატივია ასეთ რანგში აყვანა... „რუსთავი 2“, ისევე როგორც „იმედი“ და ნაწილობრივ „პირველი არხი“ სხვა დანარჩენ ე.წ . მეისტრიმ ქართული მედიის წარმომადგენლებთან ერთად , არის საქართველოს დაუძინებელი მტერი! „რუსთავი 2“ არის ერთ- ერთი ყველაზე უფრო ბნელი წარმომადგენელი იმ დეკადენსის, ქართული ეკლესიის აბუჩად აგდების, ეროვნული ტრადიციების შეურაცხყოფის საქმეში რაც ნიადაგ გვესმის ! ეს ყველაფერი უნდა შეიცვალოს, მასმედია უმკაცრესად უნდა გააკონტროლდეს. ე.წ. უფლებადამცველები უნდა ავაჭყივლოთ და საქართველო ამ ჭინკების ე.წ. თავისუფლების რეიტინგებში უნდა ჩამოვაქვეითოთ! ეს უნდა გავაკეთოთ არა იმიტომ, რომ ფანატიკოსი დიქტატორები ვართ , არამედ იმიტომ, რომ სიტყვის თავისუფლებისა და დემოკრატიის ყალბი დროშის ქვეშ დგანან. მყრალი ლიბერალები , რომლებიც ჩვენს ერს ანადგურებენ ! ჩვენი ერი სწორედ ლიბერალური იდეოლოგიის წყალობით არის გადაშენების გზაზე! ყველაზე გარყვნილი , ყველაზე უსინდისო , ყველაზე ბინძური ადამიანები სატელევიზიო ეკრანებიდან გამუდმებით შხამავენ ჩვენს შვილებს, მთელ ქართველ ერს და მათი პარპაში უნდა აღიკვეთოს ! ჩვენ არ უნდა გვრცხვენოდეს ამის განცხადებისა... მაგრამ ეს შეუძლებელია მანამდე, სანამ ერის დეკლარირებული მიზანი არის ევროიონტეგრაცია“- აცხადებს ლევან ვასაძე.