პაატა ბურჭულაძის 'მოძრაობა სახელმწიფო ხალხისთვის' ერთ-ერთი ლიდერი გიორგი რუხაძე ნიდერლანდების ქალაქ როტერდამში კონსერვტორი ლიდერების ფორუმს დაესწრო და ევროპელ კოლეგებს სიტყვით მიმართა.

ფორუმის მთვარი თემა ევროზონაში მიგრაციის პრობლემები და მათი გადაჭრის გზები იყო. რუხაძემ პრობლემის გამომწვევ მიზეზად ახლო აღმოსვლეთში მიმდინარე კრიზისული მოვლენები დაასახელა და ის მოსაზრება გააკრიტიკა, რომლის მიხედვითაც თითქოს საქართველოსთვის და უკრაინისთვის სავიზო ლიბერალიზაციის მინიჭება მიგრანტთა პრობლემას გააუარესებს.

"როდესაც საქართველომ მიიღო ევროკომისიის მხრიდან დადებითი დასკვნა, მიგრანტთა პრობლემები იგივე სიმწვავით იდგა, მესამე ქვეყნებიდან ჩასული ადამიანების მხრიდან ჩადენილი დანაშაულის მაჩვენებელი კი არ გაზრდილა. საქართველომ აღნიშნული პრობლემების გათვალისწინებით მიიღო დაპირება და დღეს ვიზა ლიბერალიზაციის ამ საბაბით შეჩერება ელემენტარული უსამართლობაა, რაც ხელს უწყობს ჩვენს ქვეყანაში და მთლიანად რეგიონში ევროკავშირისადმი სკეპტიკური განწყობების ზრდას" - განაცხადა პაატა ბურჭულაძის პოლიტიკური გუნდის წევრმა.

გიორგი რუხაძემ მოუწოდა ევროპელ ლიდერებს ერთმანეთისგან გამიჯნონ მიგრანტთა პრობლემები და სავიზო ლიბერაიზაციის პროცესი. ასევე, საქართველოს, უკრაინის, თურქეთის და კოსოვოსთვის უვიზო მიმოსვლის მინიჭების საკითხები ერთმანეთისგან დამოუკიდებლად განიხილონ.

"საქართველომ ამ ქვეყნებზე ადრე, პირნათლად შეასრულა ევროკომისიის ყველა მოთხოვნა და იმსახურებს იმას, რომ გადაწყვეტილება მასთან მიმართებაში ინდივიდუალურად მიიღონ. ჩვენ ყველას ვგულშემატკივრობთ, თუმცა არ არის მართებული საქართველომ პასუხი სხვისი შეცდომების გამო აგოს" - განაცხადა რუხაძემ.

"მოძრაობა სახელმწიფო ხალხისთვის"ერთ-ერთი ლიდერი როტერდამში ბრიუსელიდან ჩავიდა სადაც მას შეხვერები ჰქონდა ევროპარლამენტში, ევროკომისიასა და ევროკავშირის საბჭოში. მოლაპარაკების თემა 10 ივნისს ლუქსემბურგში ევროკავშირის მინისტრთა საბჭოს მიერ შეჩერებული ვიზა ლიბერალიზიაციის საკითხები იყო.