ვაშინგტონი საქართველოს ხელისუფლებას დემოკრატიის უმთავრეს საფუძვლებს ახსენებს. სააპელაციო სასამართლოს მიერ მიღებულ გადაწყვეტილებას რუსთავი 2-ის საქმეზე შეერთებული შტატების სახელმწიფო დეპარტამენტში ეხმაურებიან.

უწყების წარმომადგენელმა ყოველდღიურ ბრიფინგზე აღნიშნა, რომ მედიის თავისუფლება, პოლიტიკური პლურალიზმი და სასამართლოს დამოუკიდებლო უმნიშვნელოვანესია საქართველოს ევროატლანტიკური განვითარებისთვის.

საქართველოში სასამართლოს დამოუკიდებლობის პრობლემებზე საუბრობენ ანალიტიკოსებიც.

„თქვენ საუბრობთ თბილისის სააპელაციო სასამართლოზე, გადაწყვეტილებაზე, რომელიც მიიღეს რუსთავი 2-ის მფლობელებთან დაკავშირებით, როგორც მივხვდი თბილისის სააპელაციო სასამართლომ გადაწყვიტა ძალაში დატოვოს ქვედა ინსტანციის სასამართლოს დადგენილება, რომელიც რეალურად რუსთავი 2-ის მფლობელობის, მოსარჩელე მხარისთვის გადაცემას ნიშნავს, ასევე როგორც ვხვდები გადაწყვეტიელბა ძალაში დარჩება სააპელაციო პროცესების ამოწურვამდე, ვვარაუდობ მნიშვნელოვანია გავითვალისწინოთ, რომ მედიის თავისუფლება, პოლიტიკური პლურალიზმი და სასამართლოს დამოუკიდებლობა არის ნებისმიერი დემოკრატიის არსებითი საფუძველი და უმნიშვნელოვანესია საქართველოს წარმატებული ევროატლანტიკური გადაწყვეტილებებისთვის, ასე რომ ჩვენ მხოლოდ მოვუწოდებთ ყველა მხარეს ამ კონკრეტულ საქმესთან დაკავშირებით გამოიჩინონ თავშეკავებულობა და სასამართლოს მეშვეობით იმუშაონ ამ საკითხის მოსაგვარებლად იმგვარად, რომელიც ხელს შეუწყობს საქართველოს დემოკრატიულ განვითარებას“, - განაცხადა მარკ ტონერიმ.