ვიზალიბერალიზაციასთან დაკავშირებით გადაწყვეტილების მიღება დღეს ვერ მოხდება- კლაას დეიკჰოფი

პოლიტიკა - 16:48, 10 Jun, 2016

1154

ნიდერლანდების იუსტიციის მინისტრის კლაას დეიკჰოფის განცხადებით ნაკლებ მოსალოდნელია, რომ ევროკავშირის წევრი სახელმწიფოების შინაგან საქმეთა და იუსტიციის მინისტრების შეხვედრა ვიზალიბერალიზაციასთან დაკავშირებით დღეს კონკრეტული გადაწყვეტილებით დასრულდეს. ევროკავშირის წევრ რამდენიმე ქვეყანას მიაჩნია, რომ ვიზალიბერალიზაცია მისი შეჩერების მექანიზმის გარეშე არ უნდა ამოქმედდეს:

„არ ვფიქრობ რომ დღეს გადაწყვეტილების მიღება შესაძლებელი იქნება, ეს ნათელი გახდა კვირის დასაწყისში. რამდენიმე ქვეყანა ჯერ კიდევ წინააღმდეგია. დღეს სხდომაზე ისინი კოლეგებთან ერთად განიხილავენ პოზიციებს, რა წუხილები აქვთ და როგორ შეგვიძლია საკითხები გადავჭრათ. ჩვენ ვერ ვსაუბრობთ რომელი ქვეყანა რას ფიქრობს, მაგრამ როგორც პრეზიდენტი ქვეყანა ვაკეთებთ ყველაფერს იმ პრობლემების გადასაჭრელად რაც ჩვენს წინაშეა. ვფიქრობთ წინა შეხვედრაზე დიდი ნაბიჯი გადავდგით როდესაც ვიზალიბერალიზაციის შეჩერების მექანიზმზე შევთანხმდით, რომელიც მოაგვარებს იმ საკითხებს, რაც ვიზალიბერალიზაციის შემდეგ შეიძლება წარმოიქმნას. იმის გამო, რომ საქართველომ შეასრულა მოთხოვნები დავიწყეთ განხილვა და ვფიქრობდით, რომ იყო შანსი გადაწყვეტილების მიღების, ვერ მიიღეთ და არ შეგვიძლია მივიღოთ დღესაც. ეს დაკავშირებულია იმ ქვეყნებთან რომლებიც წინააღმდეგნი არიან.“- განაცხადა კლაას დეიკჰოფმა.