პოეტი და რომანისტი დავით დეფი დარწმუნებულია, რომ რუსთავი 2 - საქმის სკანდალურ მოსამართლეს ნათია გუჯაბიძეს მოსამართლის მანტიის გახდა მოუწევს.

ეს განცხადება დავით დეფიმ "ნიუპოსტთან" „რუსთავი 2“-ის მიმართ სააპელაციო სასამართლოს გადაწყვეტილების კომენტირებისას გააკეთა.

"მაშ ასე - დრამა გრძელდება. დრამა არა, უფრო ფარსი და არც ფარსი, არამედ კაგებეს სცენარი. მოსამართლე გუჯაბიძეს კი მანტიის გახდა მოუწევს, რადგან ყველაფერი ისე მოხდა როგორც ითქვა. ურთმელიძის განაჩენი სააპელაციო სასამართლომ უცვლელად დატოვა და რუსთავი 2 ქიბარ ხალვაშს მიაკუთვნა. ივანიშვილმა თავისი გაიტანა, თუმცა დროებით. ეს უსინდისო ბრძოლა უსინდისო გზით - ტყუილებით მოიგო, მაგრამ მთლიანად ომს სიმართლით წააგებს. სასამართლომ თავის ნამდვილი სახე ყველას დაგვანახა და ფარსიც დასრულდა"- აღნიშნა პოეტმა.

დეფიმ "ნიუპოსტთან " იმედის დარბევაზეც ისაუბრა და ამასთან ეროსი კიწმარიშვილის მკვლელობაზე სკანდალური განცხადება გააკეთა.

"იმედის დარბევაზე უარესი რამაა ივანიშვილის მიერ რუსთავი 2-ის წაღება, გნებავთ წაღების მცდელობა. იმედის ამბავი შინაარსობრივად სხვაა და ვინც პატარკაციშვილის ზრახვებსა თუ მიზნებს ვერ ხედავდა იქნებ ახლა მაინც გაიაზროს თუ რა ხდება ქვეყანაში, რადგან დღეს, მე მგონი ყველამ დაინახა ეროს კიწმარიშვილი რომ მოკლულია და ნათელია რატომაც. მთელი ამბავი კი ისაა რაც ადრე ვთქვი და რაც ასი პროცენტით ასეც იქნება - რუსთავი ცრუს თავს მოაჭრის!