"მურუსიძის ფენომენი ახალი არ არის, მიხეილ ჯავახიშვილი 20-იან წლებში წერდა ამის თაობაზე"- ბერძენიშვილი რ2-ის საქმეზე

პოლიტიკა - 13:24, 10 Jun, 2016

1509

„რესპუბლიკური პარტიის“ საპარლამენტო ფრაქციის თავმჯდომარე დავით ბერძენიშვილი სააპელაციო სასამართლოს მიერ „რუსთავი2“-ის საქმეზე დღეს გამოტანილ გადაწყვეტილებას გამოეხმაურა. ბერძენიშვილის შეფასებით მედროვეების ფენომენი ქართულ რეალობაში ახალი არაა და სწორედ ეს აფერხებს ქართული პოლიტიკური სივრცის განვითარებას. ბერძენიშვილის განცხადებით, სასამართლო პროცესთან დაკავშირებით კი პასუხგაუცემელი კითხვები დარჩა და პრობლემები იქნება როგორც უზენაეს ისე საკონსტიტუციო სასამართლოშიც, რადგან ისინი თანდათან ძალიან მკაფიოდ ხდებიან ძველი და ახალი ხელისუფლების ინსტრუმენტები:

„სასამართლო ხელისუფლება მისი ორივე შემადგენლობით, როგორც უზენაესი ისე საკონსტიტუციო, თანდათან ძალიან მკაფიოდ ხდებიან ძველი და ახალი ხელისუფლების ინსტრუმენტები. მურუსიძის ფენომენი ახალი არ არის ქართულ რეალობაში და კაცობრიობის ისტორიამ ეს იცის, მიხეილ ჯავახიშვილი 20-იან წლებში წერდა ამის თაობაზე და რისთვისაც მერე ბოლშევიკები ცუდად მოექცნენ. მედროვეების ფენომენი არის მნიშვნელოვანი შემაფერხებელი ფაქტორი ქართული პოლიტიკური სივრცის განვითარებისთვის“- განაცხადა დავით ებრძენიშვილმა.