მთვრალი ოსი სეპარატისტების შეიარაღებული თავდასხმა მწყემსებზე-რა მოხდა გორის მუნიციპალიტეტში

პოლიტიკა - 13:08, 10 Jun, 2016

2380

ქარელის მუნიციპალიტეტში ოკუპაცია, გორის მუნიციპალიტეტში კი მშვიდობიანი მოქალაქეების გატაცების სერია გრძელდება. გუშინ სოფელ აძვიდან მწყემსი 62 წლის ვახტანგ მჭედლიშვილი ოსმა სეპარატისტებმა ძალისმიერი ქმედებებით, ქართველი სამართალდამცველების კონტროლირებადი ტერიტორიიდან აიყვანეს. მომხდარის თვითმხილველი დავით კორინთელია, რომელიც ,,ნიუპოსტს" ინციდნეტის დეტალებს უყვება.
,,ნახირი ე.წ. საზღვართან დაახლოებით 15 20 მეტრის მოშორებით გვყავდა, უცბათ მანქანა გაჩერდა უაზი, მანქანიდან ოთხი ადამიანი გადმოხტა, ერთი ავტომატის სროლით, იარაღით შემოვარდა ნახირში. სროლის ხმაზე ნახირი დაფრთხა, ნახირის დაფრთხობის შემდეგ გვიძახდნენ მოდით აქო. ვახო მჭედლიშვილი დაიჭირეს და ჩასვევს მანქანაში, აიყვანეს ბაზაზე, გახადეს საწვიმარი პლაში, მე ვუყურებდი კარგად ჩანდა ეს ყველაფერი. ეს ხალხი რომლებიც შმოვიდნენ არ იყვნენ რუსები, ესენი იყვნენ ოსები ქართულად გვეძახდნენ, ფორმაც ისეთი ეცვათ, რომ რუსული ფორმა არ იყო. მოქმედება ჰქონდათ არაადეკვატური იმიტომ, რომ ნახირში შემოჭრა უიარაღო მწყემსებში იარაღით თუ ვინმეს მოუვა ალბათ მთვრალს მოუვა. ესენი იყვნენ ბანდიტები და ყაჩაღები, რომლებიც თავების წარმოჩენის მიზნით ხალხს იტაცებენ"-აცხადებს კორინთელი.
გატაცებული ვახტანგ მჭედლიშვილი სეპარატისტებმა ჯერ რუსულ სამხედრო ბაზაზე, მოგვიანებით კი ცხინვალის მილიციის წინასწარი დაკავების იზოლატორში გადაიყვანეს. ოჯახს ცხინვალიდან უკვე დაუკავშირდნენ ნათესავები რომლებმაც დაადასტურეს, რომ უკანონოდ დაკავებული მამაკაცი იზოლატორშია მოთავსებული. თვითაღიარებული ხელისუფლება მას ე.წ. საზღვრის უკანოო გადაკვეთას ედავება.