რუსთაქვი 2 - თან დაკავშირებით სააპელაციო სასამართლოს გადაწყვეტილებას, თავისუფალი დემოკრატების ერთ-ერთი ლიდერი შალვა შავგულიძე გამოეხმაურა.

მისი შეფასებით, "დღეს მიღებულ გადაწყვეტილებას სამართალთან საერთო არ აქვს"

შავგულიძე თლის, რომ დამოუკიდებელი მედია საზოგადოებამ უნდა დაიცვას.

„ქართული ოცნების ხელისუფლებამ ხელყო სიტყვის თავისუფლება და მედიის დამოუკიდებლობა. ასეთ შემთხვევაში, როდესაც სახელმწიფო სასამართლოს ხელით ხელყოფს ამ ღირებულებებს, უკვე დემოკრატიულობაზე ამბიციის მქონე საზოგადოების ვალია, დაიცვას დემოკრატიისთვის ესოდენ ფუნდამენტური და უძვირფასესი ღირებულება, სიტყვის თავისუფლება და მედიის დამოუკიდებლობა.

რა თქმა უდა, სხვა გადაწყვეტილებას არ ველოდით, ფურცელზე ყველაფრის დაწერა შეიძლება, მაგრამ სამართლებრივი დასაბუთება ამას ვერ ექნება. ისეთი პროცედურული დარღვევებით იქნა ეს სასამართლო განხილვები ჩატარებული, რომ რა თქმა უნდა, ამას სამართალთან არაფერი აქვს საერთო,“ - განაცხადა შალვა შავგულიძემ.