მერვე გარემოსდაცვითი მინისტერიალის ფარგლებში, გარემოსა და ბუნებრივი რესურსების დაცვის მინისტრი გიგლა აგულაშვილი ნიდერლანდებისა და მოლდოვის გარემოს დაცვის მინისტრებს გაეროს ევროპის ეკონომიკური კომისიის აღმასრულებელ მდივანთან კრისტიან ბახთან ერთად შეხვდა.

გიგლა აგულაშვილმა ევროკავშირის წარმომადგენლებს, გაეროს ევროპის ეკონომიკურ კომისიასა და ნიდერლანდების სამეფოს მთავრობას ნაყოფიერი თანამშრომლობისათვის მადლობა გადაუხადა და იმ გამოწვევებზე ესაუბრა, რომლის შესრულების თვალსაზრისით სამინისტრო აქტიურად მუშაობს.

მინისტრმა შეხვედრის მონაწილეებს საერთაშორისო პარტნიორების, ევროკავშირისა და გაეროს ევროპის ეკონომიკური კომისიის მხარდაჭერით განხორციელებული პროექტები გააცნო. სამინისტრომ პრაქტიკულად დაასრულა მუშაობა ,,გარემოსდაცვითი შეფასების კოდექსზე“, რომელიც დაეხმარება საქართველოს მწვანე ეკონომიკისა და მდგრადი განვითარების მიზნების მიღწევაში.

სტრატეგიული გარემოსდაცვითი შეფასების შესახებ კოდექსში დაინერგა სტრატეგიული გარემოსდაცვითი კომპონენტი. საქართველომ ამ მიმართულებით ევროკავშირის გამოცდილება გაიზიარა.

შეხვედრას მინისტრის მოადგილე მაია ბითაძე და ევროკომისიის გარემოსდაცვითი მიმართულების დირექტორი ჯორჯ კრემლისი ესწრებოდნენ.