„თავისუფალი დემოკრატების“ საარჩევნო შტაბს გიორგი ცაგარეიშვილი უხელმძღვანელებს

პოლიტიკა - 16:23, 09 Jun, 2016

1499

„თავისუფალი დემოკრატების“ საარჩევნო შტაბს გიორგი ცაგარეიშვილი უხელმძღვანელებს. პარტიის ოფისში გამართულ პრესკონფერენციაზე ის, პირადად „თავისუფალი დემოკრატების“ ლიდერმა ირაკლი ალასანიამ წარადგინა. დღესვე, გიორგი ცაგარეიშვილი პარტიას ცენტრალურ საარჩევნო კომისიაში საარჩევნო სუბიექტად დაარეგისტრირებს, რითაც პარტია ოფიციალურად გახსნის საარჩევნო კამპანიას.
„იგი არის ჩვენი დეპუტატი პარლამენტში არაერთგზის მოწვევის. მას აქვს დიდი გამოცდილება საარჩევნო პროცესებში, როდესაც საქართველოში არაერთი არჩევნები დიდი ზეწოლის ქვეშ ტარდებოდა. ჩვენ დაგვიგროვდა მის მიმართ ნდობა და პროფესიული გამოცდილება, მას აძლევს სრულ კვალიფიკაციას, რომ იყოს საარჩევნო შტაბის ხელმძღვანელი. დღესვე, პარტია განახორციელებს შესაბამის პროცედურებს და „თავისუფალი დემოკრატები“ საარჩევნო სუბიექტად დარეგისტრირდება. დარწმუნებული ვარ რომ გია ცაგარეიშვილი თავის ცოდნას და გამოცდილებას მოახმარს პარტიის გამარჯვებას საპარლამენტო არჩევნებში. მასთან ერთად ყველაზე დიდი წვლილი ჩვენი გამარჯვების უნდა გადავიდეს მაჟორიტარ დეპუტატებზე და ჩემზე, როგორც ლიდერზე. იმედი მაქვს, რომ გავიმარჯვებთ ამ არჩევნებზე”, - განაცხადა ირაკლი ალასანიამ.
"იქნება საკმაოდ დაძაბული ბრძოლა. მე იმედი მაქვს, ეს ბრძოლა წესების გარეშე არ წარიმართება. ჩვენ გვჭირდება გაწონასწორებული, მშვიდი წინასაარჩევნო პერიოდი. დაპირებები არის უხვად გაცემული და იმედი ვიქონიოთ, რომ ეს დაპირებები შესრულდება. წინააღმდეგ შემთხვევაში ძალიან რთულ ვითარებაში ჩადგება ქვეყანა. ძალიან ბევრი გამოწვევაა, როგორც ქვეყნის შიგნით, ისე ქვეყნის გარეთ. ეს არჩევნები იქნება ლაკმუსის ქაღალდი და ჩვენ მოგვიწევს უმძიმესი გამოცდის ჩაბარება." - განაცხადა გიორგი ცაგარეიშვილმა.