ურეკის მოსახლეობა ბიძინა იმნაიშვილს ფიზიკურად გაუსწორდა - რა გახდა საკრებულოს დეპუტატის ცემის მიზეზი

შემთხვევა - 14:35, 09 Jun, 2016

20015

"ქართული ოცნებიდან" ოზურგეთის მუნიციპალური საკრებულოს, ურეკის მაჟორიტარი დეპუტატის, ბიძინა იმნაიშვილის ცემის ფაქტს ადგილობრივი მოსახლეობა "გურიის მოამბესთან" ადასტურებს.

როგორც გუშინ ურეკში "გურიის მოამბესთან" საუბარში განაცხადეს, დეპუტატი ადგილობრივებმა 6 ივნისს ურეკის ცენტრში, ე.წ მოქიების სასტუმროს წინ უმოწყალოდ სცემეს.

ცემის მიზეზად ადგილობრივი მოსახლეობა, ურეკში არსებულ გაუსაძლის მდგომარეობას ასახელებენ, რომელიც მათი თქმით, საფრთხეს უქმნის ურეკში საკურორტო სეზონის ჩაგდებას.

მოსახლეობის თქმით, ხელისუფლებამ გზის მასშტაბური გზის სარეაილიტაციო სამუშაოების დაწყება, სეზონის დაწყებას დაამთხვია.

ხელისუფლებაში ხსნიან, რომ დამთხვევა სამშენებლო კომპანიისთვის თბილისიდან თანხების დაგვიანებით ჩამორიცხვამ განაპირობა.

თავად ბიძინა იმნაიშვილი "გურიის მოამბესთან" მისი ცემის ფაქტს კატეგორიულად უარყოფს. თუმცა ადასტურებს, რომ ფოთის საავადმყოფოში იმყოფებოდა.

არაოფიციალურად "გურიის მომბის" ხელს არსებული ინფორმაციით, ბიძინა იმნაიშვილი მრავალმხრივი დაზიანებებით ფოთის საავადმყოფოში მომხდარიდან რამდენიმე წუთში გადაიყვანეს.

ადგილობრივი მოსახლეობის განცხადებით, დეპუტატი სამი დღეა საკუთარ სახლშია ჩაკეტილი და გარეთ არ გამოდის. ამას კი, დეპუტატის მხრიდან, მისი ცემის ფაქტის გადაფარვის მცდელობით ხსნიან.