"ნუ ჰგონია ივანიშვილს, რომ არჩევნებს ფულით მოიგებს, 5 ოლქს პირწმინდად წააგებს"

პოლიტიკა - 14:01, 09 Jun, 2016

4034

ექსპერტ ვალერი გელბახიანს გადაჭარბებულად მიაჩნია ბიძინა ივანიშვილის ოპტიმისმი იმასთან დაკავშირებით, რომ“ქართული ოცნება“ მომავალ პარლამენტში 95 მანდატით იქნება წარმოდგენილი. როგორც ვალერი გელბახიანი „ალიასთან“ ინტერვიუში აცხადებს მან სულ მცირე ხუთი ოლქი იცის ,სადაც მაჟორიტარულ არჩევნებს ოცნება პირწმინდად წააგებს .

„ივანიშვილი ფიქრობს, რომ საქართველოში არ არსებობს ოლქი , სადაც მაჟორიტარულ არჩევნებს ვერ მოიგებს, მაგრამ პირადად მე ხუთი ისეთი ოლქი ვიცი, სადაც ისეთი კანდიდატები დასახელდებიან სხვა პარტიებიდან, რომ ,,ოცნება“ პირწმინდად წააგებს. მათი გვარების დასახელებისგან თავს შევიკავებ. როგორც კი დარეგისტრირდებიან მიხვდებით, რომ ისინი ძალიან სერიოზულ წინააღმდეგობას გაუწევენ „ქართულ ოცნებას“. მე როგორც ვიცი, ,,ოცნება“ არ აყენებს მაჟორიტარებად იმ კანდიდატებს,ვინც ,,ნაციონალური მოძრაობიდან“ იყო გასული და შემდეგ ქართული ოცნების მხარეს გადავიდა, არის რამდენიმე ისეთი გავლენიანი და წონადი ფიგურა, რომლებსაც ,,ქართული ოცნების“ მაჟორიტარები არჩევნებზე ვერ მოუგებენ. ნუ ჰგონია ივანიშვილს, რომ არჩევნებს ფულით მოიგებს. მას შევახსენებ,რომ 2012 წელს ,,ნაციონალურმა მოძრაობამ“ რა ფულიც დახარჯა,იმის მეათედიც კი არ დაუხარჯავს ,,ქართულ ოცნებას“, მაგრამ ნაციონალურმა მოძრაობამ არჩევნები ვერ მოიგო. როცა ხალხს არ უყვარხარ,გინდ ძეგლი დაუდგი, გინდ სასახლე,ფულს გამოგართმევს,მაგრამ ხმას მაინც არ მოგცემს“ - აცხადებს გელბახიანი.