„რესპუბლიკური პარტიის“ ერთ-ერთი ლიდერი, დეპუტატი ლევან ბერძენიშვილი საქართველოს ვიზალიბერალიზაციის საკითხზე საუბრისას აღნიშნავს, რომ „რუსთავი 2“-ის, ე.წ კაბელებისა და კორცხელის საქმეებს ვიზალიბერალიზაციასთან არავითარი კავშირი არ აქვს. ბერძენიშვილის განნცხადებით, ეს საქმეები ევროპას ძალიან აინტერესებს.

„ქვეყანაში მიმდინარე საქმეებთან რომ ჰქონდეს კავშირი, პოლიტიკური ნაწილი, კერძოდ ევროპარლამენტი არ გააკეთებდა განცხადებას, რომ სამი დიდი ფრაქცია მხარს უჭერს. რუსთავი2-ის საქმე, კორცხელის საქმე, კაბელების საქმე, ევროპას და ევროკავშირს ძალიან აინტერესებს და ვერ ვიტყვით, რომ აქ ყველაფერი ხუთიანზე აქვს ხელისუფლებას, უბრალოდ ვიზა ლიბერალიზაციასთან ამას არ აქვს არანაირი კავშირი,“-განაცხადა ლევან ბერძენიშვილმა.