„ქართული ოცნება - დემოკრატიული საქართველოს“ საარჩევნო შტაბს კახა კალაძე უხელმძღვანელებს

პოლიტიკა - 19:41, 08 Jun, 2016

2005

საქართველოს პრემიერ-მინისტრმა და პარტია „ქართული ოცნება - დემოკრატიული საქართველოს“ თავმჯდომარე გიორგი კვირიკაშვილმა წინასაარჩევნო პერიოდზე გადასვლასთან დაკავშირებით საგანგებო ბრიფინგი გამართა და საარჩევნო შტაბის უფროსი დაასახელა. გიორგი კვირიკაშვილის განცხადებით პარტია „ქართული ოცნება - დემოკრატიული საქართველოს“ საარჩევნო შტაბს კახა კალაძე უხელმძღვანელებს.

"დღეიდან გადავდივართ წინასაარჩევნო პერიოდზე, ოთხი თვე გვაშორებს მომავალ საპარლამენტო არჩევნებს, ეს იქნება მნიშვენლოვანი პერიოდი, რომელიც ღირსეულად უნდა გვიაროთ და დავამტკიცოთ ის მაღალი დემოკრატიული სატანდარტი, რომელიც იქნა ნაჩვენები, როგორც საპრეზიდენტო, ასევე თვითმმართველობის არჩევნების დროს. ეს სტანდარტი არა თუ უნდა შევინარჩუნოთ, არამედ უნდა გავაუმჯობესოთ. სწორედ ამიტომ მინდა, რომ დღეს წარმოგიდგინოთ საარჩევნო შტაბის უფროსი კახი კალაძე, რომელმაც არაერთხელ დაამტკიცა, რომ მას აქვს ორგანიზატორული ნიჭი, მენეჯერული თვისებები და გამოცდილება, რომელიც ძალიან მნიშვენლოვანი იქნება ჩვენი პარტიის წინასაარჩევნო პერიოდის ღირსეულად ჩატარებისა და გამარჯვების მოსაპოვებლად. კახი კალაძის გამორჩეული კაპიტნის თვისებები ნამდვილად ძალიან მნიშვნელოვანი იქნება, რომ ჩვენ მივაღწიოთ ღირსეულ გამარჯვებას, რაც ეს თავისთავად საქართველოს გამარჯვებას ნიშნავს. ჩვენი მთავარი მიზანია, რომ კონკურენცია კონფროტნაციაში არ გადაიზარდოს. ამ მიმართულებით ჩვენ, როგორც სახელისუფლო ძალას გაათმაგებული პასუხისმგებლობა გვაკისრია, უპირველეს ყოვლისა ამომრჩევლის და ჩვენი მხარდამჭერების წინაშეც. სხვა პოლიტიკურ ძალებსაც დიდი პასუხსიმგებლობა აკისრიათ. ჩვენ უნდა გავუფრთხილდეთ ქვეყანას, რადგან მომავალ არჩევნებსა და მისი დემოკრატიულობის ხარისხზე იქნება დამოკიდებული ჩვენი ქვეყნის განვითარება მომავალი 4 წლის განმავლობაში. ჩვენ დავამტკიცებთ, რომ ვართ ყველაზე სტაბილური ძალა, რომელიც უზრუნველყოფს ქვეყნის სწრაფ და ამავე დროს სტაბილურ განვითარებას, რომელიც მოიტანს უკეთეს მომავალს ჩვენი ქვეყნისათვის და ჩვენი ქვეყნის თითოეული მოქალაქისათვის"- განაცხადა გიორგი კვირიკაშვილმა.