საქართველოს პრეზიდენტი გიორგი მარგველაშვილი, ბრიუსელში სამუშაო ვიზიტის ფარგლებში, NATO-ს გენერალურ მდივანს იენს სტოლტენბერგს შეხვდა. შეხვედრა, დღეს, ჩრდილოატლანტიკური ალიანსის შტაბბინაში გაიმართა.

შეხვედრისას მხარეებმა საქართველოსა და NATO-ს შორის პარტნიორობისა და თანამშრომლობის შემდგომი გაძლიერების საკითხები განიხილეს. გიორგი მარგველაშვილმა მადლობა გადაუხადა იენს სტოლტენბერგს საქართველოს ევროატლანტიკური ინტეგრაციის მტკიცე მხარდაჭერისათვის.

„საქართველო ატარებს რეფორმებს, ახდენს შეიარაღებული ძალების მოდერნიზებას, აძლიერებს დემოკრატიულ ინსტიტუტებს, ეს ყველაფერი დიდი მნიშვნელობის მატარებელია, კარგია საქართველოსთვის, ვინაიდან ეხმარება საქართველოს წინსვლაში ნატო-სკენ მიმავალ გზაზე და ინტეგრაციაში, ადრეც ვთქვით, რომ საქართველოს გააჩნია ყველა პრაქტიკული ბერკეტი დეკემბერში მინისტერიალზეც განვაცხადეთ, რომ მაპი ამ პროცესის განუყოფელი ნაწილია, წინასწარ ვერ გეტყვით რას მოისურვებენ ან გადაწყვეტენ სახელმწიფო მეთაურები, მაგრამ საქართველოს აქვს ყველა პრაქტიკული ბერკეტი და მხარდაჭერა, მაპ-ზე ფოკუსირება არის მიდგომა, რომელსაც ალიანსში მხარს უჭერენ, მნიშვნელოვანია გვესმოდეს, რომ მაპ-ის გარეშეც ბევრი რამის გაკეთება შეგვიძლია, უფრო მეტი ნატო საქართველოში და უფრო მეტი საქართველო ნატო-ში, ორივესთვის მნიშვნელოვანია“, - განაცხადა იენს სტოლტენბერგმა.