რუსმა ოკუპანტებმა სოფელ ავლევის განაპირას ე.წ. საზღვრის აღმნიშვნელი ბანერები დაამონტაჟეს. ადგილობრივი მცხოვრებლები კი ამბობენ, რომ თუ პერიმეტრზე მავთულხლართების გავლებას დაიწყებენ მიწის ნაკვეთების გარეშე დარჩებიან.

რუსი ოკუპანტების უკანონო ქმედებაზე კომენტარს აკეთებს საქართველოს პრემიერ-მინისტრის სპეციალური წარმომადგენელი რუსეთთაც ურთიერთობების საკითხებში, ზურაბ აბაშიძე. მისი განცხადებით, ოკუპანტები საბჭოთა კავშირის დროინდელი რუქებით მოქმედებენ:

„აქვთ თავიანთი რუქები და საბჭოთა პერიოდის რუქების მეშვეობით მოქმედებენ, ბუნებრივია ამას ჩვენ აბსოლუტურად უკანონოდ მივიჩნევთ. ეს არის 2008 წლის ომის ყველაზე ტრაგიკული შედეგი. ყოველთვის, რაც ჩემს ხელთ არსებული შესაძლებლობებია, ვიყენებ, ეს შეხვედრები ორ-სამ თვეში ერთხელ ხდება, ყოველთვის ვიყენებ და ამჯერადაც ვეცდები გამოვიყენო“, - განაცხადა ზურაბ აბაშიძემ.