"გლობალური მშვიდობის ინდექსის" მიხედვით საქართველო რეგიონში ლიდერია

პოლიტიკა - 16:32, 08 Jun, 2016

1701

Vision of Humanity-მ გლობალური მშვიდობის ინდექსის მიხედვით ქვეყნების რეიტინგი გამოაქვეყნა, იმ ქვეყნების ათეულში, რომლებიც საფრთხის დონე ყველაზე მაღალია სირია ლიდერობს ის 163 ქვეყანაში მშვიდობის ინდექსის მიხედვით ბოლო ადგილზეა. ათეულში ასევე შესულია სამხრეთ სუდანი, ერაყი, ავღანეთი, სომალი, იემენი, ცენტრალური აფრიკის რესპუბლიკა, უკრაინა, სუდანი, ლიბია.

ყველაზე მშვიდობიანი ქვეყნების ათეული კი ასე გამოიყურება 1. ისლანდიაა 2. დანია 3. ავსტრია 4. ახალი ზელანდია 5. პორტუგალია 6. ჩეხეთი 7. შვეიცარია 8. კანადა 9. იაპონია 10 სლოვენია.

საქართველო 163 ქვეყანას შორის 85-ე ადგილზეა , ამ მონაცემებით ის კუბას და პერუს შედეგებს უტოლდება. თუმცა ყველაზე კარგი შედეგი აქვს რეგიონში. გაუმჯობესებულია შედეგი წინა წელთან შედარებით 2015 წელს საქართველო 92-ე ადგილს იკავებდა.

საქართველოს მეზობლებიდან რუსეთი 151-ე ადგილზეა, თურქეთი 145-ზე , აზერბაიჯანი 134-ე ადგილზეა, სომხეთი კი 110-ე ადგილს იკავებს, ირანი კი 133-ს.

გლობალური მშვიდობის ინდექსი "ეკონომიკისა და მშვიდობის ინსტიტუტის" მიერ შემუშავებული მეთოდია, რომელიც სხვადასხვა ინდიკატორების საშუალებით მსოფლიოში მშვიდობიანობის დონეს ზომავს.

ინდექსის შედგენისას გათვალისწინებულია ისეთი ინდიკატორები, როგორიცაა კრიმინალის აღქმა, მკვლელობები, დაპატიმრებული მოსახლეობა, იარაღის ხელმისაწვდომობა, ორგანიზებული კონფლიქტი (შიდა), ძალადობრივი დემოსტრაციები, პოლიტიკური არასტაბილურობა, პოლიტიკური ტერორი, იარაღის იმპორტი, ტერორისტების აქტივობა, სიკვდილიანობა კონფლიქტისას (შიდა), სამხედრო დანახარჯები, შეიარაღებული სერვისის პერსონალი, გაეროს მშვიდობისმყოფლების დაფინანსება.