"სად იყავით 9 წლის მანძილზე, ნაციონალების გვერდით ხომ არა თქვენი დიდძალი ფინანსებით?"- კაციტაძე ივანიშვილს

პოლიტიკა - 18:40, 07 Jun, 2016

5283

"ახალი მემარჯვენეების" ლიდერი მამუკა კაციტაძე ყოფილ პრემიერს ბიძინა ივანიშვილს მიმართავს და ინტერესდება, სად იყო "ავადსახსენებელ 9 წლიანი რეჟიმის დროს და ხომ არ იყო ის მისი დიდძალი კაპიტალით ნაციონალური მოძრაობის გვერდით".

ეს განცხადება კაციტაძემ ივანიშვილის მიერ ბოლო დღეებში გაკეთებული განცხადებების კომენტირებისას გააკეთა.

"ბიძინა ივანიშვილი მოწადინებულია, რომ ყველაფრის შემფასებელ-გამაანალიზებელი იყოს. მაგრამ რამდენად აკმაყოფილებს ამას მისი რესურსები აი აქ დავსვამდი ძალიან დიდ კითხვის ნიშანს.

ამ წერილიდან და ინტერვიუდანაც იყო რაღაც-რაღაცეები რაც საყურადღებო და მისაღები იყო ჩემთვის, იყო ისეთი გამონათქვამებიც რომელიც უბრალოდ ღიმილის მომგვრელია, მაგალითად მთავრობაში ვიღაცის ხათრით ყოფნა. თუმცა არის ერთი ყველაზე მნიშვნელოვანი რამ რაშიც ყოფილ პრემიერს ვეთანხმები, საუბარია შეფასებაზე რომელიც კეთდება განვლილ 9 წელზე, ივანიშვილის შეფასებების 99 % -ს ვეთანხმები უბრალოდ მაინტერესებს თვითონ სად იყო ამ 9 წლის განმავლობაში? თვითონაც ხომ არ მიუძღვის წვლილი იმ იმ უბედურებებში რაც ხდებოდა. იმ შავი ლაქის თანამონაწილე ხომ არ იყო ბატონი ბიძინა თავისი დიდძალი ფულით?"- აღნიშნა მამუკა კაციტაზმ.