საქართველოს ყოფილმა პრემიერ-მინისტრმა ბიძინა ივანიშვილმა ლონდონში, „სოტბის“ აუქციონზე ნიკო ფიროსმანის ცნობილი ნამუშევარი „შველი წყლის პირას“ შეიძინა. აღსანიშნავია, რომ ქართველი მხატვრის ტილო რუსული მხატვრობის სექციაში იყო წარმოდგენილი.

როგორც ცნობილია აუქციონზე „შველი წყლის პირას“ 629 ათას ფუნტ სტერლინგად გაიყიდა, მისი საწყისი ფასი კი 150 ათასი ფუნტი სტერლინგი გახლდათ.

შეგახსენებთ, რომ ყოფილმა პრემიერმა 2015 წელს, „კრისტის“ აუქციონზე ფიროსმანის ნამუშევარი „არსენალის მთა ღამით“ 1,5 მილიონ ამერიკულ დოლარად შეიძინა. ბიძინა ივანიშვილმა ტილო ხელოვნების მუზეუმს საჩუქრად გადასცა.

ბიძინა ივანიშვილმა 2015 წელს "კრისტის" აუქციონზე ნიკო ფიროსმანის ტილო "არსენალის მთა ღამით" 1, 5 მილიონ დოლარად შეიძინა და საჩუქრად ხელოვნების მუზეუმს გადასცა.