"თუ არჩევნებზე მხარდაჭერა ნახევარზე ნაკლები იქნება, დაგემშვიდობებით, მოგენატრებით"

"თუ არჩევნებზე მხარდაჭერა ნახევარზე ნაკლები იქნება, დაგემშვიდობებით, მოგენატრებით" - ივანიშვილი ჟურნალისტებს

პოლიტიკა - 13:52, 07 Jun, 2016

10602

საქართველოს ყოფილი პრემიერ-მინისტრი ბიძინა ივანიშვილი აცხადებს, რომ თუ მისი ანალიზი საზოგადოებამ ვერ გაიგო და საპარლამენტო არჩევნებზე მხარდაჭერა ნახევარზე ნაკლები იქნება ის დაგვემშვიდობება.
როგორც მან თემის კომენტირებისას ჟურნალისტებს უთხრა, თავსაც კი მოანატრებს მათ.

"უნდა გავაკეთო ყველაფერი და დავეხმარო და დავუდგე და ვაჩვენო ჩემებურად და არგუმენტირებულად, როგორ ვხედავ და როგორ უნდა იყოს.

მაგრამ თუ ვნახე არჩევნებში, რომ ჩემი აღარ სჯერათ, როგორც ვნახავ, რომ ნახევარზე ნაკლებზე წამოვიდა საზოგადოებამ ჩემს პოზიციას არ დაუჭირა მხარი, თქვენც დაგემშვიდობებით, მოგენატრებით..."- თქვა ივანიშვილმა.

მისი თქმით, ახალი პრემიერი საოცარი პიროვნებაა, რომელზეც საუბარი საათობით შეუძლია.

"საოცარი პიროვნებაა, ხალხი უნდა ოცნებობდეს, რომ ასეთი კაცი ჰყავდეს სამსახურში და მხოლოდ ერთი პირობით არის პრემიერ-მინისტრი და მთავრობის მეთაური , რომ მოემსახუროს საკუთარ ხალხს და არავითარი პირადული მასაც, მიუხედავად იმისა , რომ ვთქვი და კიდევ და კიდევ ხაზს გავუსვამ ჩემდენი არ აქვს, აბსოლუტურად ყოფნის ეს კაცი იმას რაც აქვს და ბედნიერია აბსოლუტურად მსუბუქად დატოვებს ხელისუფლებას თუ გაჩნდება საჭიროება"- აღნიშნა ყოფილმა პრემიერმა.ივანიშვილის განცხადებით, "ასეთი ხელისუფლება , რომ გვყავს, ასეთი გუნდი , რომ მოვიდა ამას უნდა შეფასება". "თუ ამას საზოგადოება ვერ გაიგებს და ჩემს ნათქვამს და ჩემს არგუმენტირებულ დახასიათებას არ მიიღებს, ეს იქნება ჩემთვის საზომი. თუ საზოგადოებამ არ გაიზიარა ჩემი ანალიზი და არჩევნებში დაფიქსირდა აბსოლუტურად განსხვავებული შედეგი, აი გარწმუნებთ, რომ მოგენატრებით, ვეღარ მნახავთ ტელევიზიით ", -განაცხადა ბიძინა ივანიშვილმა