"თოვლის მიჭირხვნა კარგია, ადამიანის - არა"- ივანიშვილმა მისი და მედიის ურთიერთობაზე ისაუბრა

პოლიტიკა - 12:38, 07 Jun, 2016

2062

ბიძინა ივანიშვილს ტელევიზიის წარმომადგენლებთან შეხვედრის დროს შეკითხვა მისი და ჟურნალისტების ურთიერთობაზეც დაუსვეს. ივანიშვილის თქმით ის ვერ დაეთანხმება მოსაზრებას იმასთან დაკავშირებით, რომ მას ჟურნალისტებთან დაძაბული ურთიერთობა აქვს და ის ჟურნალისტების „მიჭირხვნას ცდილობს“.

„თოვლის მიჭირხვნა კარგია, ადამიანის - არა..., ძალიან ბევრი კარგი შეხვედრა მქონდა ჟურნალისტებთან, თუნდაც კვესიტაძესთან, იქ არ იგრძნობოდა, რომ გადავდიოდით რაიმე ნორმებს. როდესაც ოპოზიციურად განწყობილ ჟურნალისტთან მიდიხარ, გიწევს მძაფრი კითხვების და შეფასებების მოსმენა. კარგი პრაქტიკა და გამოცდილება მაქვს, მე ვერცერთ შემთხვევაში ვერ მივიღებდი შეფასებას საკუთარ თავზე, რომ ასეთი განცდა მაქვს, მიყვარს ჭეშმარიტების ძიება, არ მსიამოვნებს, თუ ვერ ვუპასუხე და ჟურნალისტი გავანაწყენე. ეს ნორმალურა და არ ვთვლი, რომ საზღვარს სცდება. ჯიდიესზე ვერავინ დაარქმევს, რომ ჩემს ან გუნდის აგიტაციას ეწევა. ჯობია გადაჭარბებული კრიტიკა იყოს ხელისუფლებისადმი, ვიდრე არ იყოს საკმარისი. ნორმალურია, საზოგადოებაში ეს უნდა იყოს, საზოგადოებამ უნდა მოახერხოს მას უპასუხოს სწორი ანალიზით, მაგრამ როგორც კი დაიწყება ნადირობა იმაზე რომ ეს ავკრძალოთ იცით სადაც მიდის.“- განაცხადა ივანიშვილმა.