ხელისუფლებამ საერთაშორისო ასპარეზზე ფიასკო განიცადა - მაჭავარიანი ვიზალიბერალიზაციის საკითზე

პოლიტიკა - 13:01, 06 Jun, 2016

1633

"ნაციონალური მოძრაობის" ლიდერი მიხეილ მაჭავარიანი საქართველოს ვიზალიბერალიზაციაზე გადაწყვეტილების გაჭიანურებას შიდაპოლიტიკური ვითარებას უკავშირებს.

"ნიუპოსტთან" მაჭავარიანმა ყურადღებას რუსთავი 2-ის წინააღმდეგ მიმდინარე საქმესა და კორცხელში მომხდარ დაპირისპირებაზე გაამახვილა.

"ქართველი ხალხი არ უნდა ზარალდებოდეს ქვეყნის უნიათო მთავრობის გამო. როგორ ფიქრობთ, ევროპის ქვეყნის ფრანგი, ჩეხი ან გერმანელი დეპუტატი, როცა ნახავდა იმას, რაც მოხდა კორცხელში, როცა მმართველი პარტიის ზონდერები უსწორდებოდნენ ოპოზიციას, მათ რა განცდა ექნებოდათ - რა თქმა უნდა ეს ყველაფერი გავლენას ახდენს ქვეყნის ვიზალიბერალიზაციაზე, ისევე როგორც ტელევიზიებში მიმდინარე პროცესები აფერხებს ქვეყნისთვის უვიზი მიმოსვლის მინიჭების საკითხს.

ჩვენ ვხედავთ, რომ "საზოგადოებრვი მაუწყებლიდან", განსხვავებული აზრის მქონე ჟურნალისტი გაუშვეს, "იმედიდან" ყველაზე რეიტინგული ჟურნალისტი გაათავისუფლეს, ინგა გრიგოლიას ვგულისხმობ. ასევე, მე შეიძლება შალვა რამიშვილის მიმართ სენტიმენტები არ მაქვს, მაგრამ ეს ადამიანიც საეჭვოდ გაათავისუფლეს. რომელიც აცხადებს, რომ მას მურუსიძის პიარს აძალებდნენ - ეს საქმე არავის გამოუძიებია. ხომ ხედავთ რა ხდება "მაესტროში" არხიდან ჟურნალისტები იმიტომ გაუშვეს, რომ ისინი სხვა ტელევიზიაში, კონკრეტულ გადაცემაში ისხდნენ. და ბოლოს "რუსთავი 2"- ის საქმე, როცა ხელისუფლება ებრძვის ყველაზე გავლენიან და კრიტიკულ ტელევიზიას"- აღნიშნა მაჭავარიანმა.

ენმ-ს ლიდერი ხელისუფლებას საერთაშორისო ასპარეზზე პასიურობის გამოც აკრიტიკებს და აცხადებს, რომ ხელისუფლებას სერიოზული ჩავარდნები აქვს.

"ჩვენ როცა დავიწყეთ ეს პროცესი სხვა რეალობა იყო, როca მოვაწერეთ ხელი სულ სხვა. ახლა უკვე სულ სხვა რეალობაა. მოლდოვა მიგრანტების პრობლემის ფონზე მიიღეს, ასე არ იყო?უბრალოდ ხელისუფლებამ საერთაშორისო ასპარეზზე ფიასკო განიცადა, ის დაკავებულია ოპონენტების დევნით და კრიტიკული მედიის ჩახშობის გზებზე ფიქრით"- განმარტა მიხეილ მაჭავარიანმა.