„საკონსტიტუციო სასამართლოს შესახებ კანონში“ შესატან ცვლილებებს თეა წულუკიანი ეხმაურება. იუსტიციის სამინისტრის ხელმძღვანელის განცხადებით, იგი მიიჩნევს, რომ ცვლილებები, რომელიც ამ კანონში შედის, საკონსტიტუციო სასამართლოს გააძლიერებს და მის დამოუკიდებლობას ხელს შეუწყობს.

მისივე განცხადებით, იმისათვის, რომ ამ კანონში შესულიყო ახალი ნორმები, მთავრობამ და ხელისუფლებამ ყველაფერი გააკეთა:

„მეც, მთავრობამაც და ყველამ ამ ხელისუფლებაში ყველაფერი გავაკეთეთ იმისთვის, რომ საკონსტიტუციო სასამარეთლოს გადაწყვეტილებები, თუნდაც, როგორც მათ უწოდებენ, ხმაურიანი, აღსრულებულიყო, რომ ამჟამინდელ მოსამართლეებს, ამოეწურათ ბოლომდე თავისი ვადა და ასეთ პირობებში ჩვენ, 30 სექტემბერს საკონსტიტუციო ვადის ამოწურვისთანავე დავემშვიდობებით 4 მათგანს და ამით დაცული იქნება როგორც სასამართლო დამოუკიდებლობა და ასევე ის კონსტიტუციური ვადები, რომლითაც ისინი თავის დროზე იყვნენ დანიშნულნი, თუ არჩეულნი. ეს კანონი, რომელიც ჩვენ მივიღეთ და ვენეციის კომისიის ზოგიერთი მნიშვნელოვანი შენიშვნა, რაც სახელმწიფომ, სუვერენულმა ქვეყანამ ჩათვალა, რომ უნდა გაგვეთვალისწინებინა, გავითვალისწინეთ, ვთვლი, რომ ის გააძლიერებს საკონსტიტუციო სასამართლოს“, - განაცხადა თეა წულუკიანმა.