"ქართული ოცნების" კანდიდატი ოზურგეთის მაჟორიტარულ ოლქში შემოდგომაზე დანიშნული არჩევნებისთვის, არჩილ თალაკვაძე იქნება - აღნიშნულ ინფორმაციას "გურიის მოამბე" ქართულ ოცნებასთან დაახლოებულ წყაროზე დაყრდნობით ავრცელებს.

წარმოშობით ოზურგეთელი თალაკვაძე შსს მინისტრის ერთ-ერთი მოადგილეა.

გამოცემის ცნობით, გავრცელებული ინფორმაციით, გარდა არჩილ თალაკვაძისა, ოზურგეთის დეპუტატობის კანდიდატად საპარლამენტო არჩევნებში ვანო ჩხარტიშვილის დის, მარინა ჩხარტიშვილის კანდიდატურაც განიხილებოდა.

წყაროს ცნობით, შესაძლოა მარინა ჩხარტიშვილმა კენჭი ოზურგეთში გიორგი ვაშაძის პარტიით იყაროს.