„დაიმახსოვრეთ, ჩვენ იმაზე მეტი მხადამჭერი გვყავს ვიდრე წარმოგიდგენიათ“-ცირა კობიაშვილის დედა განცხადებას ავრცელებს

სოც.მედია - 14:41, 03 Jun, 2016

6498

X ფაქტორის კონკურსანტის, ცირა კობიაშვილის სახელი განსაკუთრებით ხშირად ჟღერს მისი პროექტში გამოჩენისთანავე. ამჯერად ფეისბუკის პირად გვერდზე, ცირას დედა, ჟურნალისტი თათია პაჭკორია აქვეყნებს სტატუსს, რომელიც საკმაოდ კრიტიკული შინაარსით არის გაჯერებული: „მეგობრებო მაპატიეთ დაგვიანებული მადლობა.ყველას უღრმესი მადლობა ყოველი ზარისთვის, მხარდაჭერისთვის. ცირა ცდილობს მაქსიმუმი დადოს , ყოველ შემთხვევაში ყველაფერი, რაც დამწყები არტისტისთვის არის შესაძლებელი. მადლობა ყველას გამამხნევებელი სიტყვებისთვის. კონკურსია მეგობრებო და შესაძლოა გუშინ ჩვენ დაგვეტოვებინა პროექტი, მაგრამ რაც არ უნდა მომხდარიყო პროექტის გამო არავის გავლანძღავდით უშვერი სიტყვებით.....მალე ეს ზღვარგადასული ლანძღვა და სიძულვულის ენა დასჯადი გახდება, იქამდე კი ყველა თვისი ზნეობრივი მოცემულობის და აღზრდის მიხედვით იმოქმედებს. ასევე პრაიმ-ტაიმის ჟურნალიტიც, რომელიც ჩასაფრებული მალულად უსმენდა თურმე ცირას და მისი მენტორის საუბარს და ცირას სიტყვები სათაურში გამოტანა. თქვენ ვინც ასე უაპელაციოდ ანთხევთ ბოღმას ახალგახრდა გოგოს მიმართ არაფერი გაქვთ საერთო არც ხელოვნებასთან და არც შოუ-ბიზნესთან. თქვენ ადასტურებთ ამით, რომ მეტი პერსპექტივა არ დარჩენიათ თქვენს ფავორიტებს. თქვენ ხართ ჩვეულებრივი ფაშისტები, რომელთაც ომის დროს სამართლებრივი ჩარჩოების არ არსებობის გამო გამოავლინეს საკუთარი ცხოველური სახე და სისასტიკე. ადამიანებს მარტო იარაღით არ კლავენ ეს კარგად დაიმახსოვრეთ, მაგრამ ვერ მოესწრებით, ჩვენ იმაზე მეტი მხადამჭერი გვყავს ვიდრე წარმოგიდგენიათ“-წერს თათია პაჭკორია.