„ქართული ოცნების“ გენერალურმა მდივნის, ვიცეპრემიერ კახა კალაძის თქმით მან კორცხელის ინციდენტი დაგმო, დანარჩენი კი სასამართლოს და საგამოძიებო ორგანოების პრეროგატივაა. აღნიშნული განცხადება ენერგეტიკის მინისტრმა კორცხელის ინციდენტში მონაწილე პირებისთვის ბრალის წაყენებასთან დაკავშირებით დასმული კითხვის საპასუხოდ გააკეთა და ჟურნალისტებს უსაყვედურა, რომ მას ბოლო დღეების განმავლობაში ერთი და იგივე თემაზე საუბარი უწევს:

„მე დეტალებში ვერ შევალ ისევე როგორც კორცხელის ინციდენტი, რუსთავი 2-ის ირგვლივ მიმდინარე პროცესები, ეს არის სასამართლოს და საგამოძიებო ორგანოების პრეროგატივა. მე ვიცეპრემიერმა, ენერგეტიკის მინისტრმა ამ კონკრეტულ ფაქტებზე განცხადება რომ გავაკეთო არ არის მიზანშეწონილი, კონკრეტულ ინციდენტს რაც შეეხება, რაც კორცხელში მოხდა როგორც მე, პარტიის გენერალურმა მდივანმა, ასევე პარტიამ კორცხელის ინციდენტი დავგმეთ და არა ერთხელ იქნა ამასთან დაკავშირებით განცხადებები გაკეთებული. მიუხედავად იმისა, რომ გუშინ, გუშინწინ, ბოლო დღეების განმავლობაში მიწევს ერთი და იგივეზე საუბარი და თქვენც აგრძელებთ ერთი და იგივე კითხვის დასმას.“- განაცხადა კახა კალაძემ.