საქართველოს უმაღლეს საკანონმდებლო ორგანოში დეპუტატები დღევანდელ სხდომაზე უზენაესი სასამართლოს მოსამართლეების კანდიდატურებთან დაკავშირებით იმსჯელებენ, რომლებიც პრეზიდენტმა პარლამენტს წარუდგინა. დღეს აღნიშნულ კანიდატებს სხდომაზე წარადგენს პრეზიდენტის ადმინისტრაციის ხელმძღვანელი გიორგი აბაშიშვილი. აბაშიშვილის განცხადებით სამივე კანდიდატი პროფესიონალიზმის თვალსაზრისით იქნა შერჩეული:

„უკვე რამდენიმე თვეა წარმოდგენილია საქართველოს პარლამენტში უზენაესი სასამართლოს მოსამართლეობის კადიდატები. დღეს შედგება კენჭისყრა აღნიშნულ კანდიდატურებთან დაკავშირებით და იმ დროს, როდესაც ჩვენ ვსაუბრობთ სასამართლო სისტემის გაძლიერებაზე, იმ დროს როდესაც უამრავი კითხვის ნიშანი ისმის სასამართლოს მიმართ, ახლა განსაკუთრებული მნიშვნელობა აქვს სასამართლოში კვალიფიციური კადრების ყოფნას და ამ კუთხით დღეს პარლამენტს ეძლევა შესაძლებლობა, რომ მხარი დაუჭიროს პრეზიდენტის მიერ წარმოდგენილ კვალიფიციურ კანდიდატებს და მხარი დაუჭიროს სასამართლო სისტემის გაძლიერებას“, - განაცხადა გიორგი აბაშიშვილმა.