,,ევრაზიული კავშირის“ შესახებ სომხურ-რუსული მემორანდუმი ფარულად გაფორმდა

მსოფლიო - 13:58, 20 Apr, 2013

1575

,,სანამ სომხეთში მწვავე განხილვები მიმდინარეობს შიდა პოლიტიკურ რეალობებთან დაკავშირებით, იმავე სომხეთში საკმაოდ უხმაუროდ იქნა ხელმოწერილი სომხურ-რუსული მემორანდუმი ,,ევრაზიულ კავშირთან" თანამშრომლობაზე.

მემორანდუმის თანახმად, სომხეთსა და ,,ევრაზიული კავშირის" ეკონომიკური კოლეგიის ორგანოს შორის იგეგმება გარკვეულ ხელშეკრულებებზე მუშაობა ევრაზიული მიმართულებით, და ეს ყველაფერი ხდება ძალიან საინტერესო პერიოდში, როცა სომხეთში მწვავე შიდა პოლიტიკური დაძაბულობაა", - აღნიშნულია სტატიაში.

როგორც გამოცემა მიუთითებს, აღნიშნული ევრაზიული მემორანდუმი ხელმოწერილ იქნა საკმაოდ საინტერესო ვითარებაში, როდესაც რუსეთიდან გაიჟღერა განცხადებამ ფინანსურ მაქინაციებსა და თანხების მითვისებებზე სომხეთის მაღალი თანამდებობის პირების მხრიდან. ამ განცხადების ავტორი იყო რუსეთის კორუფციასთან ბრძოლის საზოგადოებრივი საბჭოს თავმჯდომარე.

,,ამასთან ერთად, ხელმოწერა დაემთხვა პერიოდს, როცა მოხდა დე-იურე მთავრობის გადადგომა. ტიგრან სარქისიანმა ,,ევრაზიულ მემორანდუმს" ხელი მოაწერა ისე, რომ ის არ იყო პრემიერ-მინისტრი და მხოლოდ მოვალეობას ასრულებდა, მითუფრო როცა საეჭვოა, რომ სერჟ სარგსიანმა ტიგრან სარქისიანი ხელახლა დანიშნოს"- აღნიშნავს გამოცემა.