პაატა ბურჭულაძე რობერტ ვექსლერს შეხვდა

პოლიტიკა - 15:49, 02 Jun, 2016

1323

„მოძრაობა სახელმწიფო ხალხისთვის“ დამფუძნებელი პაატა ბურჭულაძე და მოძრაობის ლიდერები დენიელ აბრაამის ცენტრის დირექტორს, ყოფილ სენატროს და პრეზიდენტ ობამას ყოფილ მრჩეველს რობერტ ვექსლერს შეხვდნენ. შეხვედრის მთავარი თემა საქართველოში არსებული პოლიტიკური სიტუაცია და წინა საარჩევნო გარემო იყო. ბურჭულაძემ ვექსლერს იმ საფრთხეების შესახებ მიაწოდა ინფორმაცია რომელიც წინა საარჩევნო პერიოდშია მოსალოდნელი.

„ძალიან მნიშვნელოვანი შეხვედრა გვქონდა ბატონ ვექსლერთან ჩვენ გავაცანით მას საქართველოში არსებული სიტუაცია. მოვახსენეთ თუ რას ველოდებით არჩევნების დროს და ასევე ვესაუბრეთ იმ საფრთხეებზე რომელიც მოსალოდნელია არჩევნების პერიოდში და რაც ძალიან მნიშვნელოვანია მივიღეთ დაპირება რომ ამერიკის შეერთებული შტატები ყურადღებით დააკვირდება საარჩევნო პროცესს. „ -განაცხადა შეხვედრის შემდეგ პაატა ბურჭულაძემ.

რობერტ ვექსლერის განცხადებით ამერიკის შეერთებული შტატებისთვის ძალიან მნიშვნელოვანია, რომ საქართველოში ჩატარდეს თავისუფალი და სამართლიანი არჩევნები.

„ამერიკის შეერთებული შტატებისთვის ძალიან მნიშვნელოვანია საქართველო. ამერიკაში არის სრული კონსენსუსი რომ საქართველო იყოს ძლიერი, დამოუკიდებელი და ძალიან გვინდა, რომ საქართველოში იყოს თავისუფალი და სამართლიანი არჩევნები. ჩვენი სურვილია, რომ საქართველოში იყოს ძლიერი მედია რომელიც უზრუნველყოფს ყველა სუბიექტის გაშუქების და მოსმენის საშუალებას. ჩემი აქ ყოფნის მიზეზიც სწორედ ეს არის. ძალიან კარგია, რომ პოლიტიკური სპექტრი ფართოვდება და საბოლოოდ ქართველმა ხალხმა უნდა მიიღოს გადაწყვეტილება.“ - განაცხადა რობერტ ვექსლერმა.